ედსგერ ვიბე დეიკსტრა
ედსგერ ვიბე დეიკსტრა (ნიდ. Edsger Wybe Dijkstra; დ. 11 მესი, 1930, როტერდამი, ნიდერლანდეფი — ღ. 6 მარაშინათუთა, 2002, ნიუნენი, ნიდერლანდეფი) — ნიდერლანდარი ინფორმატიკოსი დო პროგრამისტი, ტიურინგიშ პრემიაშ ლაურეატი.
| ედსგერ ვიბე დეიკსტრა | |
| ნიდ. Edsger Wybe Dijkstra | |
 ედსგერ ვ. დეიკსტრა 2002 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მარაშინათუთა 6, 2002 (72 წანერი) |
| ღურაშ აბანი: |
ნიუნენი, ნიდერლანდეფი |
| მენოღალობა: | |
| ომენცარე სფერო: | |
| სამუშაშ აბანი : |
მათემატიკაშ დო ინფორმატიკაშ რკვიებეფიშ ერუანული ცენტრი |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: |
ნიკო ჰაბერმანი |
| ჯილდოეფი დო პრემიეფი: |
ტიურინგიშ პრემია (1972) |
ბიოგრაფია
რედაქტირაფაედსგერ ვიბე დეიკსტრა გურაფულენდჷ თეორიულ ფიზიკას, ლეიდენიშ უნივერსიტეტის, სოდეთ მიპალუ ბაკალავრიშ დო მაგისტრიშ ხარისხი. ინფორმატიკათ დო კომპიუტერული ტექნოლოგიეფით 1950-იან წანეფს დეინტერესჷ. ოდოქტორე დისერტაცია თხილუ 1959 წანას ამსტერდამიშ უნივერსიტეტის. დეიკსტრაშ ოდოქტორე დისერტაციაშ თემა რდჷ "ავტომატური კომპიუტერიწკჷმა კომუნიკაცია". 1952-1962 წანეფს დეიკსტრა მუშენდჷ მათემატიკაშ დო ინფორმატიკაშ რკვიებეფიშ ინსტიტუტის. ჸათაქ მუშობაშ ბორჯის, 1960 წანას დეიკსტრაქ აკადგინჷ მაართა კომპილატორი პროგრამული ნინა ALGOL 60-შო. 1962 წანას დეიკსტრაქ ომუშებუშა გინილჷ ეინდჰოვენიშ ტექნიკური უნივერსიტეტიშა, მათემატიკაშ დეპარტამენტიშ პროფესორო. 1960-იან წანეფს დეიკსტრაქ აკადგინჷ მულტიპროგრამული ოპერაციული სისტემა THE. ეინდჰოვენიშ უნივერსიტეტიშ უკულ დეიკსტრაქ პროფესიული კარიერა გაგინძორჷ ამერიკულ კორპორაცია Burroughs Corporation-ის. 1984 წანას გეგნორთჷ ტეხასიშ უნივერსიტეტიშა (ოსტინი), სოდეთ 1999 წანაშა ქიმუშუ.
ედსგერ ვიბე დეიკსტრაქ მიშეღჷ დიდი თია ინფორმატიკაშ, კომპიუტერული ტექნოლოგიეფიშ, პროგრამული ინჟინერიაშ დო სისტემატოლოგიაშ გოვითარაფაშა დო მერჩქინელი რე კომპიუტერული მენცარობაშ პიონერო. თიშ კონტრიბუცია ორხველუდჷ: კომპილატორეფს, ოპერაციულ სისტემეფს, პროგრამულ პარადიგმეფს, პროგრამირაფაშ ნინეფს, პროგრამულ დიზაინს, პროგრამულ ვერიფიკაციეფს, გრაფიკულ ალგორითმეფს დო შხვა. დეიკსტრაქ მიშეღჷ ტერმინი სტრუქტურული პროგრამირაფა დო რდჷ სტრუქტურული პროგრამირაფაშ ჸარაფიშ თარი ორგანიზატორი. დეიკსტრაშ იდეეფს დო თეორიეფს, უკულიან წანეფს გიარსხუ პროფესიული დისციპლინაშ პროგრამული ინჟინერიაშ გოვითარაფაქ. თაშნეშე, დეიკსტრაშ მიშნაღელ კონტრიბუციას: პარალელიზმის, სემაფორს, აუტოსტაბილიზაციას დო შხვა ფუნდამენტურ ნახანდეფს, რე გერსხილი კომპიუტერული მენცარობაშ დისტრიბუციული სისტემა.