ედუარდ ადელბერტ დოიზი
ედუარდ ადელბერტ დოიზი (ინგლ. Edward Adelbert Doisy; დ. 13 გერგობათუთა, 1893, ჰიუმი, ილინოისი, ააშ — ღ. 23 გჷმათუთა, 1986, სენტ-ლუისი, მისური, ააშ) — ამერიკალი ბიოქიმიკოსი. ძირუ დო დიგურუ ვიტამინი K დო თიში ქიმიური სტრუქტურა. 1943 წანას გინოჩეს ნობელიშ პრემია ფიზიოლოგიაშ დო მედიცინაშ დარგის (ჰენრიკ დამიწკჷმა ართო). ედუარდ ადელბერტ დოიზი გურაფულენდჷ ილინოისიშ უნივერსიტეტის (ურბანა-შამპეინი), უკულ გურაფა გაგინძორჷ ჰარვარდიშ უნივერსიტეტის, სოდეთ ოტო ფოლინიშ ხემანჯღვერობათ თხილუ ოდოქტორე დისერტაცია. გურაფაშ თებაშ უკულ მუშენდჷ ვაშინგტონიშ უნივერსიტეტის (სენტ-ლუისი) დო სენტ-ლუისიშ უნვერსტეტის. 1940 წანაშე რდჷ ლექტორი ჩიკაგოშ უნივერსიტეტიშ მედიცინაშ სკოლას. 1929 წანას დოიზიქ ძირუ სტეროიდი ესტრონი, მარა ნობელიშ პრემია მიპალუ ადოლფ ბუტენანდტიქ 1939 წანას. ჟირხოლო მენცარქ ართდროულო ძირუ ესტრონი, მარა დოიზიქ დო ედგარ ალენქ ესტრონიშ იზოლაცია უმოს ადრე აკეთეს. თინეფქ აკეთეს ესტრონიშ იზოლაცია დო მეღება კრისტალურ ფორმათ, მონკათ ოსურეფიშ შარდიშე.
| ედუარდ ადელბერტ დოიზი | |
| Edward Adelbert Doisy | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გჷმათუთა 23, 1986 (92 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: |
ილინოისიშ უნივერსიტეტი (ურბანა-შამპეინი) |
| ომენცარე ხემანჯღვერი: | |
| ჯილდოეფი დო პრემიეფი: |
უილარდ გიბსიშ პრემია (1941) |
