ეკატერინი საკელაროპულუ
ეკატერინი საკელაროპულუ (ბერძენ. Αικατερίνη Σακελλαροπούλου, დ. 30 მესი, 1956, თესალონიკი) — ბერძენი მოსამართალე დო საბერძნეთიშ სახენწჷფო სხნუნუშ (უჟინაში ადმინისტრაციული სასამართალოშ) მაჟირა ოსური დუდმახვენჯი. საბერძნეთიშ გიშაგორილი პრეზიდენტი. ახალ პოსტის დიკენს 2020 წანაშ 13 მელახის.
| ეკატერინი საკელაროპულუ ბერძენ. Αικατερίνη Σακελλαροπούλου | ||
 | ||
| საბერძნეთიშ გიშაგორილი პრეზიდენტი | ||
|---|---|---|
| თეჟამიანი პოსტი | ||
| დეკინჷ | 13 მელახი, 2020 | |
| პრემიერ-მინისტრი | კირიაკოს მიცოტაკისი | |
| წიმოხონი | პროკოპის პავლოპულოსი | |
საბერძნეთიშ სახენწჷფო სხუნუშ მადუდე | ||
| პოსტის გერინაშ ბორჯი | ||
| 17 გჷმათუთა, 2018 – 22 ღურთუთა, 2020 | ||
| წიმოხონი | ნიკოლაოს საკელარიუ | |
| მონძე | ვაკანტური | |
| დუნაბადი | 30 მესი, 1956 თესალონიკი | |
| მენოღალობა |  საბერძნეთი | |
| ერუანობა | ბერძენი | |
| პოლიტიკური პარტია | დუდიშული | |
| გონათაფა | ათენიშ უნივერსიტეტი | |
| პროფესია | მოსამართალე | |
2020 წანაშ 15 ღურთუთას, ქიანაშ პრემიერ-მინისტრ კირაკოს მიცოტაკისიქ თიში კანდიდატურა წჷმარინუ პრეზიდენტიშ პოსტიშა[1][2]. 2020 წანაშ 22 ღურთუთას, ხონარეფიშ უმენტაშობათ გეგშაგორეს ქიანაშ პრეზიდენტო დო საბერძნეთიშ ისტორიას მაართა ოსური პრეზიდენტო გჷნირთჷ[3][4][5].
ბიოგრაფია
რედაქტირაფაეკატერინი საკელაროპულუქ დებადჷ ნოღა თესალონიკის. თიშ ფანია წჷმოულობათ ნოღა სტავროპულიშე რდჷ, ქსანთიშ პრეფექტურაშე. საკელაროპულუქ გურაფულენდჷ ათენიშ უნივერსიტეტიშ სამართალიშ ფაკულტეტის. 1980-იანი წანეფიშ შქა პერიოდის, ეკატერინიქ სახენწჷფო სხუნუშ მაკათურო გჷნირთჷ დო 2000 წანას ელმაჩამალო ქჷდარინეს[6]. 2015 წანას თინა სახენწჷფო სხნუნუშ ვიცე-პრეზიდენტო გჷნირთჷ, 2018 წანაშ გჷმათუთას — ართხონარო გეგშაგორეშ სახენწჷფო სხუნუშ პრეზიდენტო[7].
ეკატერინი საკელაროპულუ სახენწჷფოშ სხნუნუშ მოქიმინჯე მოსამართალეეფიშ ასოციაციაშ მაკათურირდჷ. თის შხვადოშხვა ბორჯის იურიდიულ ასოციაციას უკებუდჷ გენერალური მელამოსეშ (1985-1986 წწ.), ვიცე-პრეზიდენტიშ (2006-2008 წწ.) დო პრეზიდენტიშ (1993-1995 და 2000-2001 წწ.) პოსტეფი[6].
ეკატერინი საკელაროპულუ რეგულარულო ჭარუნდჷ სტატიეფს ომენცარე ჟურნალეფს. თაშნეშე ოკათუდჷ წინგიშ „ფინანსური კრიზისი დო ელმოლიშ თხილუაშ სახენწჷფო სხუნუშ პრეცედენტულ სამართალს“ ჭარუას[8].
2020 წანაშ 22 ღურთუთას, საბერძნეთიშ 300-კოჩიან პარლამენტიქ 261 ხონარით გეგშაგორჷ ქიანაშ პრეზიდენტო[3].
პიჯული რინა
რედაქტირაფასაკელაროპულუ ცხოვრენს მუში პარტნიორწკჷმა, ადვოკატ პავლოს კოცონიწკჷმა[9]. ჸუნს ართი სქუა კინოხიან გურგინუაშე[10].
სქოლიო
რედაქტირაფა- ↑ Greek PM taps top female judge as country's president. კითხირიშ თარიღი: 2020-01-16.
- ↑ Greek PM Taps Top Female Judge as Country's President. კითხირიშ თარიღი: 2020-01-16.
- ↑ 3.0 3.1 Πρόεδρος της Δημοκρατίας εξελέγη η Αικατερίνη Σακελλαροπούλου, του Γιώργου Σ. Μπουρδάρα | Kathimerini. კითხირიშ თარიღი: 2020-01-22.
- ↑ საბერძნეთს ისტორიაში პირველი ქალი პრეზიდენტი ჰყავს Archived 2020-01-26 ვებ-ხასჷლას Wayback Machine.
- ↑ საბერძნეთს პირველი ქალი პრეზიდენტი ჰყავს
- ↑ 6.0 6.1 Ποια είναι η πρώτη γυναίκα πρόεδρος του ΣτΕ, Αικατερίνη Σακελλαροπούλου. კითხირიშ თარიღი: 2020-01-15.
- ↑ Όλα τα ονόματα των προέδρων και αντιπροέδρων των Ανωτάτων Δικαστηρίων. კითხირიშ თარიღი: 2020-01-15.
- ↑ Αικατερίνη Σακελλαροπούλου. კითხირიშ თარიღი: 2020-01-15.
- ↑ Το προφίλ της Σακελλαροπούλου: Λάτρης της φύσης, των ταξιδιών και των γατών | Star.gr. კითხირიშ თარიღი: 2020-01-22.
- ↑ Smith, Helena. “Progressive judge to become Greece's first female president“, The Guardian, 2020-01-16. კითხირიშ თარიღი: 2020-01-22. (en-GB)