ელიას მაგნუს ფრისი
ელიას მაგნუს ფრისი (შვედ. Elias Magnus Fries; დ. 15 მარაშინათუთა, 1794, ფემშიო, შვედეთი — ღ. 8 ფურთუთა, 1878, უფსალა, შვედეთი) — შვედი მიკოლოგი დო ბოტანიკოსი.
| ელიას მაგნუს ფრისი | |
| შვედ. Elias Magnus Fries | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 8, 1878 (83 წანერი) |
| ღურაშ აბანი: |
უფსალა, შვედეთი |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
ლონდონიშ ომაფე ჯარალუაშ მაკათური |
ბიოგრაფია დო მენცარული რკვიებეფი
რედაქტირაფაელიას მაგნუს ფრისიქ დებადჷ 1794 წანაშ 15 მარაშინათუთას. გურაფულენდჷ ლუნდიშ უნივერსიტეტის, სოდეთ თხილუ ოდოქტორე დისერტაცია 1814 წანას. გურაფაშ თებაშ უკული მუშენდჷ ლუნდიშ უნივერსიტეტიშ ბოტანიკაშ პროფესორო. 1834 წანას ფრისიქ ომუშებუშა გინილჷ უფსალაშ უნივერსიტეტიშა, სოდეთ რდჷ ბოტანიკაშ დო გჷმორინაფონი ეკონომიკაშ რსული პროფესორი. 1849 წანას ფრისი ქუდარინეს უფსალაშ უნივერსიტეტიშ ბოტანიკური ბაღიშ დირექტორო. 1853 წანაშე რდჷ უფსალაშ უნივერსიტეტიშ რექტორი. ფრისი რდჷ ლონდონიშ ომაფე ჯარალუაშ, შვედეთიშ მენცარობეფიშ ერუანული აკადემიაშ დო ამერიკაშ მენცარობეფიშ დო ხელუანობეფიშ აკადემიაშ მაკათური. ფრისიშ არძაშე უმოსო ჩინებული ნახანდეფი რე: Systema Mycologicum (1821-1832, (სუმ ტომო)), Elenchus fungorum (1828), Monographia hymenomycetum Sueciae (1857, 1863 (ჟირ ტომო)) დო Hymenomycetes Europaei (1874). ფრისიშ მონუმენტურ ნახანდის Systema Mycologicum-ის ეჭარილი რე სოკოეფიშ სისტემური კლასიფიკაცია. ფრისი კრისტიან ჰენდრიკ პერსონიწკჷმა ართო მერჩქინელი რე სოკოეფიშ ტაქსონომიაშ ართ-ართ დუმარსხუაფალო. ფრისიქ სოკოეფიშ კლასიფიკაცია აკეთჷ თინეფიშ სპორეფიშ ფერეფიშ დო ჰიმენოფორეფიშ მეჯინათ. ელიას მაგნუს ფრისიქ ღურუ 1878 წანაშ 8 ღურთუთას, უფსალას.
გიშნაგორა პუბლიკაციეფი
რედაქტირაფა- Monographia Pyrenomycetum Sueciae (1816)
- Systema Mycologicum (1821)
- Systema Orbis Vegetabilis (1825)
- Elenchus Fungorem (1828)
- Lichenographia Europaea Reformata (1831)
- Epicrisis Systematis Mycologici: seu synopsis hymenomycetum (1838)
ფანია
რედაქტირაფაელიას მაგნუს ფრისიშ სკუა რდჷ გიშარჩქინელი შვედი ბოტანიკოსი, ლიხენოლოგი დო არქტიკაშ მარკვიებელი თეოდორ მაგნუს ფრისი. ელიას ფრისიშ მოთალეფი რდეს ლუნდიშ უნივერსიტეტიშ ბოტანიკაშ პროფესორი, ბოტანიკოსი ტორე ქრისტიან ელიას ფრისი დო მიკოლოგი რობერტ ელიას ფრისი.
რესურსეფი ინტერნეტის
რედაქტირაფა- "Elias Magnus Fries", Authors of fungal names, Mushroom, the Journal of Wild Mushrooming.
- ელიას მაგნუს ფრისი ენციკლოპედია ბრიტანიკას