ელიზაბეთ ბლექუელი
ელიზაბეთ ბლექუელი (ინგლ. Elizabeth Blackwell; დ. 3 ფურთუთა, 1821, ბრისტოლი, ინგლისი — ღ. 31 მესი, 1910, ჰასტინგსი, ინგლისი) — ბრიტანალი-ამერიკალი მედიკოსი, შინელი რე მუჭოთ მაართა ოსური ნამუქჷთ მიპალუ სამედიცინო ხარისხი ააშ-ს. რდჷ ოსურეფიშ სამედიცინო გონათაფაშ პიონერი დო სოციალური დო მორალური რეფორმატორი ააშ-ს დო ბრიტანეთის. თიშ ჯოხონობაშ რე ელიზაბეთ ბლექუელიშ მენდალი, ნამუთ ირწანური ჯილდო რე დო გინმაჩამუ ჸეთი ოსურეფს, ნამუეფქჷთ მიშეღეს დიდი თია ოსურეფიშ როლიშ გოვითარაფაშა მედიცინაშ დარგის.
| ელიზაბეთ ბლექუელი | |
| ინგლ. Elizabeth Blackwell | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მესი 31, 1910 (89 წანერი) |
| ღურაშ აბანი: |
ჰასტინგსი, ინგლისი |
| მენოღალობა: | |
| ომენცარე სფერო: | |
| ალმა-მატერი: | |
| ჩინებული რე მუჭოთ: |
მაართა ოსური ნამუქჷთ მიპალუ სამედიცინო ხარისხი ააშ-ს |
| ჯილდოეფი დო პრემიეფი: |
|
| ხეშმოჭარუა: |
|
.svg){kind=small}
1832 წანას ბლექუელეფიშ ფანიაქ ოცხოვრებშა ამერიკაშა გეგნორთჷ. დუდშე ბლექუელის მედიცინა ვაინტერესუდჷ. მუშ ფანიას ფინანსურო ქიმეხვარუკონ, სკოლას მაგურაფალო მუშენდჷ. მედიცინათ ბლექუელიქ დეინტერესჷ 1840-იან წანეფს, მარა დიო ნამთინ მედიცინაშ კოლეჯი დო უნივერსიტეტი ვაღებულენდჷ. ხვალე ნიუ-იორკიშ შტატიშ ნოღა ჟენევაშ მედიცინაშ კოლეჯიქ მეჩუ ნება გურაფაშ. 1847 წანას ელიზაბეთ ბლექუელიქ გინირთჷ მაართა ოსურო ამერიკას, ნამუქჷთ მიშართჷ მედიცინაშ კოლეჯიშა. ბლექუელიქ ხარისხი მიპალუ ომენცარე თეზისით, ნამუთ ორხველუდჷ ტიფის დო თიშ კურნალობაშ მეთოდეფს. ჸათე თეზისი 1849 წანას გჷმაბჟინუ სამედიცინო ჟურნალქ "Buffalo Medical Journal".
1857 წანას ელიზაბეთ ბლექუელიქ დო მუში დაქ ემილი ბლექუელიქ დარსხუეს ოსურეფიშ დო ბაღანეფიშ ჰოსპიტალი, ნოღა ნიუ-იორკის. ჸათე პერიოდეფიშე ელიზაბეთ ბლექუელი ბრელს შარალენდჷ დო ოსურეფს უტარენდჷ ლექციეფს, ოსურეფიშ გონათაფაშ შანულობაშ გეშა.
1874 წანას ელიზაბეტ დო ემილი ბლექუელეფქ, სოფია ჯექს-ბლეიკიქ, ელიზაბეთ გარეტ ანდერსონიქ დო ტომას ჰენრი ჰაქსლიქ დარსხუეს ოსურეფიშ მაართა სამედიცინო სკოლა ბრიტანეთის.
1870-იან წანეფშე ბლექუელი ბრიტანეთის ცხოვრენდჷ, სოდეთ დოღურუ 1910 წანაშ 31 მესის, ნოღა ჰასტინგსის, 89 წანერქ.
რესურსეფი ინტერნეტის რედაქტირაფა
- ელიზაბეთ ბლექუელი ენციკლოპედია ბრიტანიკას
- An online biography of Elizabeth Blackwell, with links to more articles on Blackwell and others in her famous family, plus links to many resources on the Net
- Biography from the National Institute of Health
- Elizabeth Blackwell at the Hobart and William Smith Colleges Archives
- Elizabeth Blackwell Resources Available in Hobart and William Smith Colleges Archives
- Chronological Bibliography of Selected Scholarly Works by Dr. Elizabeth Blackwell
- Papers, 1835–1960. Schlesinger Library, Radcliffe Institute, Harvard University.
- Michals, Debra. "Elizabeth Blackwell". National Women's History Museum. 2015.