ემიგრაცია
ემიგრაცია — პოლიტიკური, ეკონომიკური ვარ-და პიჯული ბაძაძეფით შხვაშ თურ ქიანაშ მორჩილ ხანით ვარ-და საირონოთ ოხორუეთ ულა. პოლიტიკური ბაძაძეფით ემიგრაცია, მუჭოთ წესი, რეპრესული რეჟიმიშ ელმაჸვენჯი მოლინა რე, მუჟანსჷთ რეპრესიაშ შიში ვარ-და გოპატჷნაფილი რეჟიმიშო ლოიალობაშ გჷმოცხადაფაშ უციობა მენმოღალეს აიძულენს შხვაშ თურ ქიანას ქენკაფორას დუდინ. ეკონომიკური ბაძაძეფით ემიგრაცია საბაზარე ეკონომიკაშ ქიანეფშო რე დმახასიათაფალი. კაპიტალიზმიშ ეპოქას, თიშ უკული მუთ სამუშა ნძალაქ მეკონ- მოკონიშშ სახე მიღჷნ, კაპიტალიშ შხვა ფორმეფიშობურო, მუშახე ართი ქიანაშე მაჟირაშა ელაზჷმაფათ დუდიშულო გინიყარენს.
ემიგრანტეფიშ ართამი მუდანობა დიხაუჩაშ მახორობაშ დოხოლაფირო 3,2%-ის აკმადგინანს[1].