ეპირიშ პერიფერია

**ეპირი**
**ბერძენ. Περιφέρεια Ηπείρου**
	გერბი;
ქიანა	საბერძნეთი
სტატუსი	პერიფერია
მიშმურს	4 პერიფერიული ართული
ფორჷნს	18 ჯარალუას
ადმინ. ცენტრი	იანინა
შხუ ნოღა	იანინა
მადუდე	პერიფერიარქი; გუბერნატორი:; ალექსანდროს კაჩრიმანისი
ოფიც. ნინა	ბერძენული
მახორობა (2011);	608.182 (6-ა აბანი)
მეჭედალა	31,9 კოჩი/კმ²
ფართობი	9203 კმ²
სიმაღალა ზუღაშ დონეშე; - უმაღალაშ ჭურჭული	; 2.637 მ
ბორჯიშ ორტყაფუ	UTC+2/UTC+3
კოდი ISO 3166-2	GR-D
	ოფიციალური ვებ-ხასჷლა
	Epirus (region)

შხვა შანულობეფშო ქოძირით ეპიროსი.

ეპირი (ჯვ. ბერძენ. Ἤπειρος, ბერძენ. Ήπειρος) — ისტორიულ-გეოგრაფიული ოლქი საბერძნეთიშ ოორუე-ბჟადალ ნორთის. რეგიონს ბჟადალშე ომძღჷ იონიაშ ზუღა. პერიფერიაშ ფართობი — 9203 კმ², მახორობა — 608.182 ადამიერი (2011 წ.). ეპირი ქიანაშ ოორუე-ბჟადალ პერიფერიას, გეოგრაფიულ ართულს დო რაიონს წჷმარინუანს.

პერიფერია იკათუანს არტაშ, პრევეზაშ, თესპროტიაშ დო იანინაშ ნომეფს. პერიფერიაშ თარი ნოღა იანინა. ეპირიშ ჟინპიჯი გვალონი რე (მაქსიმალური სიმაღალა 2637 მ, გვალა ზმოლიკასი). ობჟათე წყარპიჯის ამბრაკიაშ ვე რე. ჰეერი დო ჩანარობა სქირონაშქა ზუღაშ ტიპიშ რე.

ჯვეშ ბერძენეფს ეპირშა გვალო კონტინენტი უჯოხოდეს, ჭიე-ჭიეთ თე ზიტყვაქ მუში შანულობა მიოდინჷ დო საბოლათ ოორუე საბერძნეთიშ ბჟადალ ოლქის გიადჷ ჯოხოთ, ეპირი ჯვეშიშე ბერძენული გოჭყაფაშ ტომეფით ჸოფე დოხორელი, მარა, მუჭთ ჩქჷ, ოორუე ტომეფიშ მიშაკათინიშ შედეგო თინეფქ ობჟათეშე ქჷდიხორეს, თაქ — ილირიალეფიშ მოჯგირე ტომეფი დოხორელენა. ისტორიულ ხანას ეპირს ოხორანდეს ქაონეფი, თესპროტეფი, მოლოსეფი. ჯვეში წანეფიშეჭარუაშ VIII ოშწანურას, ეპირიშ ტერიტორიას კოლონიეფი გაჭყჷ კორინთიქ.

ჯვეში წანეფიშეჭარუაშ IV ოშწანურას, მოლოსეფიშ მაფა პიროსიქ, ეპირს ჭყანიერი პოლიტიკური გოართოიანაფა ქჷდარსხჷ. ჯვეშ წანეფიშეჭარუაშ 198 წანას, ეპირი მაკედონიაშ აკოდგინალუაშა მიშმეშჷ, ჯვ. წ. 146 რომქ ქჷდიჸუნჷ. ავგუსტუსიქ აქციუმწკჷმა გომორძგუაშ ეიოშანალო ეპირს ნოღა ნიკოპოლისი ქჷდარსხჷ.

ბჟადალ რომიშ იმპერიაშ დონთხაფაშ უკული, ეპირი ბიზანტიას ორხველუდჷ, XV ოშწანურას — ოსმალეფქ ქჷდიჸუნეს. კონსტანტინოპოლიშ ხეკულუათ, 1881 წანას, ეპირიშ ნორთი — არტაშ ნომი — საბერძნეთის ქემიარსხჷ. ბალკანეთიშ ლჷმეფიშ (1912-1913 წწ.) უკული ედომუშამი ეპირქ საბერძნეთიშ აკოდგინალუაშა გემშართჷ.

რესურსეფი ინტერნეტის

ოფიციალური ვებ-ხასჷლა

ლიტერატურა

ქორთული სხუნუეფიშ ენციკლოპედია, ტ. 4, ხს. 168, ქართი, 1979 წანა.


გერბი
ქიანა	საბერძნეთი
სტატუსი	პერიფერია
მიშმურს	4 პერიფერიული ართული
ფორჷნს	18 ჯარალუას
ადმინ. ცენტრი	იანინა
შხუ ნოღა	იანინა
მადუდე	პერიფერიარქი გუბერნატორი: ალექსანდროს კაჩრიმანისი
ოფიც. ნინა	ბერძენული
მახორობა (2011)	608.182 (6-ა აბანი)
მეჭედალა	31,9 კოჩი/კმ²
ფართობი	9203 კმ²
სიმაღალა ზუღაშ დონეშე - უმაღალაშ ჭურჭული	2.637 მ

ბორჯიშ ორტყაფუ	UTC+2/UTC+3
კოდი ISO 3166-2	GR-D
ოფიციალური ვებ-ხასჷლა
	Epirus (region)