ვარდიშობურეფი

ვარდიშობურეფი (Rosaceae) — ჟირლებერამი ფურცელზოხოიანი ჩანარეფიშ ფანია. ჯალეფი, ბართვეფი დო ოდიარეეფი. უღუ წოროფურცელამი დო რანწკას დვალირი ფურცელეფი, პიორეფით აკოშაყარილი ვარდა ხვალეხე ჟირსქესამი, აქტინომორფიული პირეფი, 5-5 ატარიშ ფურცელი დო გურგინიშ ფურცელი. უმენტაშობას ატარიშ გიმე ხოლო უღუ. ვარდიშობურეფი ბორიაიხვამუ ჭანდეფით, კანკალე — ბორიათ. გუმნაღელი აკოშაყარუაფონი ფურცელამი, წკალამი, კანკარიშობური, თასიშობურო დო შხვა. თასი უმენტაშო უენდოსპერმე რე. აკმაართიანენს 115 გვარიშ 3200-შახ გვარობას.

საქორთუოს ტყას 35 გვარიშ 232 გვარობა ჩანს. ფანია იკათუანს მუსხირენ გიმენფანიას: გრაკალამეფი (Spiraeoideae), უშქურამეფი (Maloideae ანუ Pyroideae, Pomoideae), ვარდამეფი (Rosoideae), ჸომურამეფი (Prunoideae). თინეფშე კანკალე გიშმერთუ ზოხო ფანიათ (Malaceae). ვარდიშობურეფიშ შქას მიარეთ რე ხილი (უშქური, სხული, ბია, ქვიშნა ბული, ბული დო შხვა), კანკარამეფი (ბაღიშ მუჸი, ციმუა, წიწინდარა, მუჸია დო შხვა) დო დეკორატიული (ვარდი, ხინჭკი, გრაკლა, ჩიტიშბია დო შხვა) ჩანარი.

ლიტერატურა

• ქორთული სხუნუეფიშ ენციკლოპედია, ტ. 4, ხს. 300, ქართი, 1979 წანა.