ვექსილოლოგია
ვექსილოლოგია — ისტორიაშ მოხვარე დისციპლინა, ნამუთ შილეფიშ, ალამეფიშ, ვიმპელეფიშ, ბერაღეფიშ დო მოგვენეფიშ გოჭყაფას დო გოვითარაფას დჷთმიგურუანს.
ტერმინი „ვექსილოლოგია“ მოურს ლათინური ზიტყვაშე „vexillum“, ნამუთ რომაალ ლეგიონერეფიშ შილას შანენდჷ. ვექსილოლოგიაშოთ ფართო ინტერესიქ ამერიკას დო ევროპას XX ოშწანურაშ 60-იან წანეფს გორჩქინდჷ. თიშ ფართო პოპულარიზაციას ხე უნწყუ უიტნი სმიტიშ გჷთონაკვერუეფქ. მალას გორჩქინდჷ მიარე პერიოდული გიშაშქუმალაქ, ჩქინ ბორჯიშახ მოჭირინაფილჷ (სამანგ: ჩეხური „ვექსილოლოგია“, ინგლისური „ფლაგმასტერი“, კანადური „ფლაგსკანი“ დო შხვა) უიტნიშ წინგეფქ ევროპაშ უმენტაშ ნინაშა ითანგჷ.
შილა მუში დინორეთ ანდანერი რე, კერზოთ:
- სახენწჷფო
- ოურდუმე-ოზუღე
- ოსიგნალე
- ოვაჭარე დო შხვ.
შილა მერჩქინელი რე სახენწჷფო სუვერენიტეტიშ სიმბოლოთ.
ოურდუმე შილა ოურდუმე ნორთიშ სიმბოლო რე. თინა, მუჭოთ მალჷმორეფიშ აკოკათუაშ დო აკოართიანაფაშ შანო ჯვეში ბჟაეიოლიშ ქიანეფს გორჩქიმდჷ – ინდოეთის, ჩინეთის დო შხვადო.
ოურდუმე-ოზუღე შილა გჷთმოთანჯჷნს, დო ნამუ სახენწჷფოშ აკოანჯარაფილ ნძალეფს ორხველჷ ოურდუმე ხვამარდი. თიქ ჯვეშ რომს გორჩქინდჷ დო საბოლათ, XVI-XVIII ოშწანურეფს საარძოთ მიშაღალირქ იჸუ.
შილეფიშ უმენტაშობა მერსხილი რე უშქაშეთ ოურდუმე ისტორიაწკჷმა, არძაშე უმოსო, მუჭოთ მოლინეფიშ მაკათურიში, დო უკული, მუჭოთ ოურდუმე დიდებაშ მატიანეში.
შილეფი გჷმორინაფონი ხელუანობაშ ძეგლეფს წჷმარინუანა, შილეფს მოჩამილი ოსქვებური დეკორატიული გოფორმაფეფიშ, ანდაღებული ნოქარგეფიშ, აპლიკაციეფიშ, ხანტურული გჷმოხანტუეფიშ გეშა.
შილეფი ძალამი შანულამი წყუ რე ჰერალდიკაშო – გერბებეფიშ ისტორიაშო, თიშენ ნამჷ-და თინეფს შხირას ეხანტილი რე ვა ხვალო, პიჯული დო სახენწჷფო, თაშნეშე, ოაბანმუმალონე გერბეფი.
შილედი გჷნმობჩანა, თაშნეშე, ოინტერესე ისტორიეფს. თეშ თოლოძირე სამანგა რე ააშ-შ, საფრანგეთიშ, ინგლისიშ შილეფი.