ვიკიპედია:ვანდალიზმი
|
თე ხასჷლა წჷმარინუანს ვიკიპედიაშ რედაქტორიშ ოხემანჯღვერეშ ნორთის. თიშე აპიჯაფა რე რედაქტორეფს შქას დო თინა იკოროცხუ სტანდარტო, ნამუთ არძო მახვარებუქ ოკო თხილუასჷნ. თე ხასჷლაშ რედაქტირაფაბორჯის გეთოლწონით, ნამდა თქვანი თირაფეფი კონსენსუსის ოკო ვა არღვიენდას. შანულამი თირაფეფი დუდშენო ქოღოლით სხუნუაშ ხასჷლას. |
ვანდალიზმი ვიკიპედიას — არგამათ მანებელი საქვარუა, სტატიაშ დინორეშ თირუა, გეძინა ვარ-და ლასუა, ნამუშ ღანკი რე ენციკლოპედიაშ ღებაშ დო ავტორიტეტიშ კომპრომეტირაფა. ვანდალიზმი, თარო, გჷმიხანტუ ხარისხიანი სტატიეფიშ თირუათ ოლანძღარი, ცინიკური, ვაეთიკური ხასიათიშ დინნაჭარეფით, ნამუეფჷთ მუთუნნერო ვეთმიარსხუნა სტატიაშ თემას.
მოდვალირი არზიშ უმკუჯინალო, ვანდალიზმი ვა წჷმარინუანს გიშაკერზაფილ ოშქურანჯი მოლინას ვიკიპედიაშო, თიშენ, ნამჷ-და მუნაჩემეფიშ ბაზას იჩუალუაფუ სტატიაშ წიმოხიანი ვერსიეფი დო ირნერ ბორჯის შილებე თინეფიშ ხეახალშო აკოდგინუა.
ვანდალიზმიშ ტიპეფი
- სპამი — შხვანერ ძვალიშ რსხილეფიშ გეძინა დუდიშ რეკლამირაფაშ ღანკით.
- ბოტ-ვანდალიზმი — ვითობათ დო ოშობათ სტატიაშ თირუა სპეციალური ბოტ-პროგრამეფით.
- ბაღანური ვანდალიზმი — ხასჷლეფიშ ტექსტიშ ლასუა.
- ოშურიელე ვანდალიზმი — ოციგანე ტექსტეფიშ გეძინა ვარ-და რინელიშ თირუა.
- მოხანათური ვანდალიზმი — სტატიეფს ჩილათერი ინფორმაციაე ინოძინა, თარიღეფიშ დო რიცხუეფიშ თირუა დო შხვა. თე ტიპი ძნელო მიოგორალი რე.
- პერსონალური ვანდალიზმი — პერსონალური ხასჷლეფიშ თირუა კუჩხიშ გიოდგუმუ დინორეშ ტექსტეფით.
- გრაფიკული ვანდალიზმი — აკმართაფალი გჷმოხანტუეფიშ ვარ-და ანიმაციური სურათეფიშ ინოხარგუა ხასჷლეფს.
- რედირექტ-ვანდალიზმი — გინოწურაფეფიშ კეთება კუჩხიშ გემაფგუმჯ სტატიეფს დო გჷმოხანტუეფს.
ფსევდო-ვანდალიზმები
კანკალე ქიმინუა ძალამს მოგენს ვანდალიზმის, მარა სინანდულეს თის ვა წჷმარინუანს. კერზოდ:
- ახალ დჷმაჭყაფუშ ტესტი. ახალ დჷმაჭყაფუეფი ხასჷლაშ თოლორუაშის გეთმუნჭირანა კონჭის „რედაქტირაფა“, ქოძირან, შეულებჷნა დო ვარი ტექსტიშა თირუეფიშ მიშარალა დო უკული ჩუანა ტექსტის ახალი თირუეფით. თენა ვანდალიზმი ვა რე. თინეფშა ორაგადე რე, სოდე დო მუჭო ივარდიშანი.
- ვიკიშ შილებუამობეფუს გაჩინება. კანკალე მახვარებუ ართუცბას ვაგ3ბულენს, მუჭო იმუშუას (გიშაკერზაფილო, დო ვაუკითხირჷ ომანგე სტატიეფი), თეშენ ოცადუ ექპერიმენტეფით რჩქინაშ მეღებას. თინეფი გიოწურაფალი რე უნდა სო დო მუ წეკითხან არძაშ უპორველაშე.
- თამამი რედაქტორეფი. ვიკიპედიაშ პოლიტიკა რე — იმუშეთ თამამას. კანკალე ვიკიპედიარს სერიოზული თირუეფი მიშმუღჷ ტექსტეფშა, თინეფიას გოუჯგუშაფაშ ღანკით. შილებე თქვა ვენგეწონან, ნამჷ-და თაშ დირგას ინმაკათჷნა თქვან ნახანდის, მარა თენა იშენით ვა რე ვანდალიზმი.
- ჩილათეფი. მუში გოსხუნუათ, ჩილათა ვეშილებე ორდას ვანდალიზმი. დო თქვა ქოკოროცხუნთ, ნამჷ-და სტატიას ჩილათეფი რენ, გოსხუნით ფაქტეფი თიშ ავტორწკჷმა.