ვიკიპედია:ხუთი პილასტრი

კუნტა გინოწურაფა - მალჭანაფა
ვპ:5პ

ვიკიპედიაშ არძა პრინციპი გეპონჷ ხუთ პილასტრის, ნამუთ გჷთმოთანჯჷნს ვიკიპედიაშ ხასიათის:

ვიკიპედია რე ენციკლოპედია, ნამუთ იკათუანს რჩქვანელობური დინოხიშ, სპეციალიზირაფილი ენციკლოპედიეფიშ დო ალმანახიშ ელემენტეფს. ვიკიპედია ვა რე ინფორმაციაშ უგშუგორუ კოლექცია. თენა ვა რე წყუ-დოკუმენტეფიშ კოლექცია ვარ-და ტრივია, ლექსიკონი, ახალი ამბეეფიშ მაწიებელი, დემოკრატიაშ ვარ-და ანარქიაშ ცადება, ვარ-და ხოლო ვებ-დირექტორია. თენა ვა რე აბანი, სოდე თქვა შეილებჷნა დორხველი გოხვალამეფი, გჷმოცდილაფეფი დო არგუმენტეფი გეუძინათჷნ — არძა რედაქტორქ ქემიაჸუნას ოკო ვა ორიგინალური გჷთონაკვერუაშ პოლიტიკას დო ეცადას დოთხილუას სიბონე.
 
ვიკიპედიას ნეიტრალური თოლწონუა უღუ, ნამუთ შანენს თის, ნამჷ-და ჩქი ვოცადუთ გუაჭყათ სტატიეფი, ნამუეფით მუთუნნერი გორკვიაფილი თოლწონუას ვარ-და პოზიციას ვაუხუჯანსჷნ. შხირას თე მითხინს მიარე თოლწონუაშ ციტირებას, ირი პოზიციაშ დრამტახილო გობჟინაფას, თიშ გეშა, ნამჷ-და მაკითხირექ ქჷმეხვადას, დო მიშ თოლწონუას წჷმარინაუნს თინა; თეწკჷმა აკა პოზიციას ვემიაჩამუ ემეთალაშ ვარ-და საუჯგუშო გოხვალამაშ სტატუსი. თენა მითხინს მუდგაინერი ავტორიტეტული წყუეფიშ მოჸონაფას, გიშაკერძაფილო ოდებელი ოკითხირეეფიშ გობჟინაფაშ ბორჯის. რედაქტირაფაშ ვერსიაშ ნეიტრალურალაშ გეშა კონფლიქტიშ წჷმოჭყაფაშ შვანს გეგმაცხადი არგილაფაშ პერიოდი დო ქემიორჩქინი სტატია, მუჭოთ ონირზებელი; გეგმოჭარით დეტალეფი სხუნაუშ ხასლას დო ქემიაჸუნი კონფლიქტიშ კვათუაშ პრინციპეფს.
 
ვიკიპედია დუდიშული წყუ რე, ნამუთ არძაშ შეულებუ გიშათინასჷნ. ედომუშამი ტექსტი რე GNU დუდიშლი დოკუმენტაციაშ ლიცენზიათ (GFDL) დო თიში დისტრიბუცია ვარ-და თიაშა მეწურაფა თე ლიცენზიაშ ომანგეთ მუთმოხვადჷ. გიჩქუდან, ნამჷ-და სტატიეფიშ თირუა მიდგას შეულებუ დო თეშნერო მითინს ვეშულებუ მიშეღას კონტროლი ნამდგაინი სპეციფიურ სტატიაშა; ომანგეთ, ირნერი თია, ნამუთ თქვა მიშმაიღჷნან, შილებე გიშეთინას დო გინიკეთინას უდუნდებუო შხვა მახვარებუეფიშით. ვემშიჸონათ ოავტორე ნებეფით თხილერი ინფორმაცია ვარ-და ნახანდეფი, ნამუეფსჷთ უკვე უღჷნა მუდგაინერი სახეშ ლიცენზია, ნამუთ ვაუხუჯანს GFDL-სჷნ.
 
ვიკიპედიას რჯებაშ კოდექსი უღუ: პატი ქოცით კოლეგა-ვიკიპედიარეფს უთანხმებაშ უმკუჯინალო. ქორდათ ცივილიზებული. დუდი აუღით პიჯულ წყინებას ვარ-და ზერელე გოზოგადალეფს. თინჩალას ორდათ; მუჟამსჷთ რედაქტირაფა გინომეტებულ აქტიურათ მუთმოხვადჷ, დუდი აუღით კონწარი რედაქტირაფაშ ლჷმეფს — დოთხილეთ სუმი დორთაშ წესი; ქორშუდანი, ნამჷ-და რე 20,855 სტატია მარგალურ ვიკიპედიას დო რაძა თინეფშა შილებე მუშობა დო სხუნუა. იქიმინჯეთ ჯგირი ღანკით დო კოროცხით, ნამჷ-და თინეფსჷთ თეჯგურა ღანკი უღუნ. ორდათ გონწყუმილი, მოჸოროფე არძაშოთ მიმართ.
 
ვიკიპედიას ვა უღუ გოჭარილი წესეფი ხუთი თარი პრინციპიშ მოხ, ნამუთ თაქ რე ეჭარილინ. ორდათ ჯარდილი რედაქტირაფაშ, გინოღალაშ დო შხვა თირუეფიშ ბორჯის, თიშ გეშა, ნამჷ-და რედაქტირაფაშ ხიოლი რე თინა, ნამუთ უკილე უციო მოთხირი ვარე. ვენარღათ თიშენ, ნამჷ-და შილებე ირფელი აკკაბრანძანჷნ. სტატიაშ არძა კინოხიანი ვერსია ჩუალირი რე დო რე რზა, ნამჷ-და მარცხო ვიკიპედიაქ დეღამაკას ვარ-და უგშუთინუო მიჯალაგას თიშ დინოხიქჷნ. მარა რშუდან — მუშჷთ თაქ ჭარუნთჷნ შილებე საიორნოთ დიჩუასჷნ.

თაშნეშე ქოძირით რედაქტირაფა