ვიშეგრადიშ ბუნა

ვიშეგრადიშ ბუნა (ჩეხ. Visegrádská skupina; უნგ. Visegrádi Együttműködés; პოლ. Grupa Wyszehradzka; სლოვ. Vyšehradská skupina), თაშნეშე ვიშეგრადიშ ოთხური, V4, ევროპული კვარტეტი — ცენტრალური ევროპაშ ოთხი ქიანაშ ჩეხეთიშ, უნგრეთიშ, პოლონეთიშ დო სლოვაკეთიშ კულტურული დო პოლიტიკური ალიანსი. ალიანსიშ თარი ღანკი რე ოურდუმე, ეკონომიკური, კულტურული, ენერგეტიკული კოოპერაცია. ოთხოლო ქიანა ევროპაშ რსხუშ დო ნატოშ მაკათური ქიანეფი რე.

ვიშეგრადიშ ბუნაშ ქიანეფი დო ევროპაშ რსხუ

ალიანსიქ დირსხუ ჩეხოსლოვაკიაშ, უნგრეთიშ დო პოლონეთიშ ლიდერეფიშ სამიტით, ნამუქჷთ იმანჯჷ უნგრეთიშ ჯიხა ვიშეგრადის, 1991 წანაშ 15 ფურთუთას. ჩეხოსლოვაკიაშ გორთუალაშახ ვიშეგრადიშ ბუნაშა სუმი სახენწჷფო მიშმეშჷ. ჩეხოსლოვაკიაშ გორთუალაშ უკული, 1993 წანაშე ჩეხეთიქ დო სლოვაკეთიქ ბუნაშ ზოხორინელ მაკათურეფო გინირთეს.

ვიშეგრადიშ ბუნაშ ქიანეფიშ ართოიანი ფართობი 533,615 კვ.კმ. რე დო მახორობაშ მუდანობა 63,845,789 ადამიერი (2019 წანაშ მუნაჩემეფი).

რესურსეფი ინტერნეტის

• ოფიციალური ვებსაიტი