ვოიცეხ რუბინოვიჩი
ვოიცეხ სილვესტერ პიოტ რუბინოვიჩი (პოლ. Wojciech Sylwester Piotr Rubinowicz; დ. 22 ფურთუთა, 1889, სადგორა, ბუკოვინა, ავსტრია-უნგრეთიშ იმპერია — ღ. 13 გჷმათუთა, 1974, ვარშავა, პოლონეთი) — პოლონარი ფიზიკოსი. მიშეღჷ მენცარული კონტრიბუცია კვანტური მექანიკაშ, მათემატიკური ფიზიკაშ დო რადიაციაშ თეორიაშ გოვითარაფაშა. რუბინოვიჩი რდჷ ართ-ართი მაართა მენცარი, ნამუქჷთ ენწყუ გუსტავ კირხჰოფიშ დიფრაქციაშ ფორმულა.
| ვოიცეხ რუბინოვიჩი | |
| პოლ. Wojciech Rubinowicz | |
 ვოიცეხ რუბინოვიჩი 1954 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გჷმათუთა 13, 1974 (85 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
ვარშავაშ უნივერსიტეტი |
| ალმა-მატერი: | |
| ომენცარე ხემანჯღვერი: | |
ბიოგრაფია
რედაქტირაფავოიცეხ რუბინოვიჩიქ დებადჷ სადაგორას, ბუკოვინას, ავსტრია-უნგრეთიშ იმპერიას. გურაფულენდჷ ჩერნივციშ უნივერსიტეტის, სოდეთ თხილუ ოდოქტორე დისერტაცია 1914 წანას. ჩერნივციშ უნივერსიტეტიშ უკულ გურაფა გაგინძორჷ მიუნხენიშ უნივერსიტეტის, გიშარჩქინელი გერმანალი ფიზიკოსიშ არნოლდ ზომერფელდიშ ხემანჯღვერობათ. 1918 წანას რუბინოვიჩიქ გინირთჷ ჩერნივციშ უნივერსიტეტიშ პრივატდოცენტო. 1920 წანას რუბინოვიჩიქ ომუშებუშა გინილჷ ლიუბლიანაშ უნივერსიტეტიშა. 1937-1941 წანეფს რუბინოვიჩი რდჷ ლვივიშ უნივერსიტეტიშ პროფესორი. მაჟირა მოსოფელიშ ლჷმაშ თებაშ უკული რუბინოვიჩი ვარშავაშ უნივერსიტეტიშ თეორიული ფიზიკაშ პროფესორი რე. რუბინოვიჩიქ ვარშავაშ უნივერსიტეტიშ იმუშუ 1960 წანაშა. 1949-1952 დო 1961-1974 წანეფს ვოიცეხ რუბინოვიჩი რდჷ პოლონეთიშ ფიზიკაშ ჯარალუაშ პრეზიდენტი. რუბინოვიჩი რე შხვადოშხვა მენცარული პუბლიკაციეფიშ დო სტატიეფიშ ავტორი. ღურუ 1974 წანაშ 13 გჷმათუთას, 85 წანერქ.