ლაკადა
ლაკადა — დიხაუჩაშ ჟიდოხიშ ფირჩა გვალამი განობა, ნამუთ წჷმარინუანს პლატოეფიშ, ქჷნდჷრეფიშ, მასივეფიშ დო მინშა ფართო ქვიბილეფიშ ართობურალას, ნამუსჷთ უღჷ მაღალას ეზინდილი უდუწეწუ ართამი ჯინჯექუა.[1]
ლაკადა რჩქვანელობურო, გჷმიქიმინჷ თეხანური გვალეფგოჭყაფაშ ტექტონიკურო მაყარუ აკანეფს დო იდვალუაფჷ მაღალას ეზინდილი მასივიშ ოსხირს. ლაკადაშო დჷმახასიათაფალი რე შანულამი აბსოლუტური დო ელაზჷმაფათ მორჩილი სიმაღალეეფი. კანკალეშა ლაკადა ვულკანური გოჭყაფაშ რე დო თიშ ფარგანეფს აფხვადჷნა რელიეფიშ შხვადოშხვა ფორმა.[2]
მოსოფელს ართ-ართი იკაბეტაში რე ირანიშ ლაკადა, ნამუშ ფართობი რე 2,7 მლნ. კმ². სიკაბეტათ გიშეგორუქფჷ თაშნეშე ტიბეტიშ ლაკადა (ფართობი დაახლოებით 2 მლნ. კმ²), მექსიკაშ ლაკადა (ფართობი დოხოლ. 1200 კმ²), სომხეთიჭ ლაკადა (ფართობი 400 ვთშ. კმ²), მესეტა (ფართობი სოხოლ. 200 ვთშ. კმ²), ოორუე შოტლანდიაშ ლაკადა (40 ვთშ. კმ²) დო ანდა შხვა.
საქორთუოშ ოორუე ნორთის იფაჩჷ ობჟათე საქორთუოშ ვულკანური ლაკადა, ნამუთ საქორთუოშ შხვა დოსქილადირ ნორთეფშე თით უღჷ გინორთი, ნამჷ-და თაქ კაბეტ აბსოლუტურ სიმაღალას ფირჩა დჷკეფი. დჷკეფწკჷმა ართო თე ნორთის ქჷნდჷრეფით რე, ნამუეფშოთ დჷმახასიათაფალი რე თარო სტრუქტურული, ეროზული დო დენუდაციური ფორმეფი.[3]
ტერმინი „ლაკადა“ კანკალეშა გიმირინუაფჷ მუჭოთ მაღალას ეზინდილი პლატოშ სინონიმი.[2]
რესურსეფი ინტერნეტის
რედაქტირაფა- ლაკადა — სტატია დიდ რუსულ ენციკლოპედიაშე (რუს.)
სქოლიო
რედაქტირაფა- ↑ გეომორფოლოგიური ლექსიკონი, თბ., ნეკერი, 1996, გვ. 130
- ↑ 2.0 2.1 Ахромеев Л.М. Геоморфологический словарь-справочник. БГУ, Брянск, 2002 г., 320 стр.
- ↑ ლევან მარუაშვილი., ქართული საბჭოთა ენციკლოპედია, საქართველოს სსრ, გვ. 14-16, 1981 წელი.