თემი
თემი — საქორთუოს მუნიციპალიტეტშა მიშმალი ჟირი ვარა მუსხირენი დოხორინიშ გოართოიანაფა. [1] მუჭოთ წესინ, თემი აკმოდირთუ ოფუტეეფშე. ვანაფერ შვანს თემიშ აკოდგინალუაშა მიშმურს დაბა დო მუსხირენი ოფუტე.
თემიშ ჯოხოდვალა რედაქტირაფა
მუჭოთ წესინ, თემი ჯოხოდვალა აკმუხვადუ თიშა მიშმალ ართ-ართი ოფუტეშ ჯოხოდვალას. ვანაფერ შვანს, თემიშ ჯოხდვალა გინმიშხვანერებუ თიშა მიშმალ ოფუტეეფიშ ჯოხდვალაშე.
თემიშ დუდალა რედაქტირაფა
თემიშ მახორობა გჷშმეგორუნს მუნიციპალიტეტიშ ოკათუეშიშ ართ მაკათურს მაჟორიტარული წესით. [2] თემს ირსხუაფუ აბანობური მუშითმადუდე ართურიშ, მუნიციპალიტეტიშ გამგეობაშ ტეროტორიული ორგანო. [3] ტერიტორიული ორგანოშ დვალირაფას ადასურენს მუნიციპალიტეტიშ ოკათუეში.ოკათუეში ალობაქუნილიე გოხურგას ტერიტორიული ორგანოშ იურისდიქცია: ქჷდარსხუას, გაუქვას, გაართოიანას ვარა გორთას თემეფი.[4] ტერიტორიული ორგანოშ ხემანჯღვერ - რწუმაფილს დო შხვა პოსტიშ პიჯეფს დუთმარინუანს გამგებელი (მერი). [5]
ლიტერატურა რედაქტირაფა
- საქორთუოშ ორგანული კანონი "აბანობური მუშითდუდალაშ გეშა"; ქართი, 2005 წანაშ 16 ქირსეთუთა N 2304 - რს
სქოლიო რედაქტირაფა
- ↑ საქორთუოშ ორგანული კანონი "აბანობური მუშითდუდალაშ გეშა", ბირგული 1, პუნქტი "ზ.ბ."
- ↑ საქორთუოშ ორგანული კანონი "აბანობური მუშითდუდალაშ გეშა", ბირგული 21, პუნქტი 3
- ↑ საქორთუოშ ორგანული კანონი "აბანობური მუშითდუდალაშ გეშა", ბირგული 38, პუნქტი 6
- ↑ საქორთუოშ ორგანული კანონი "აბანობური მუშითდუდალაშ გეშა", ბირგული 38, პუნქტი 7
- ↑ საქორთუოშ ორგანული კანონი "აბანობური მუშითდუდალაშ გეშა", ბირგული 38, პუნქტი 8