იგორი (კიევიშ რუსეთი)

იგორი (რუს. Игорь, უკრ. Ігор; ღ. 945) — კიევიშ კაბეტი თარი 912 წანაშე 945 წანაშახ, რიურიკოვიჩეფიშ დინასტიაშ ფაქტობური დჷმარსხუაფალი. მემატიანე თიშ წიმოხონალას გვერდოლეგენდარულ რიურიკის მეთმურსხუანს. აგჷნძორენდჷ მუში წიმოხონიშ ოლეგიშ საქვარს, მუში მართუალაშ გიმა აკაართიანჷ დნესტრიშ დო დუნაიშ შქას მახორუ ბჟაეიოლსლავური ტომეფი; აკორანგჷ დრევლიანეფიშ აშონთაფა. რდჷ ორდოიანი ფეოდალური სახელნწჷფოშ ტიპური თარი. 913 წანას ილესქერჷ კასპიაშპიჯიშა, ქემიოჭირინჷ ბაქოს დო გეჭოფჷ ბარდავი. 941 წანას, უმწუძინუო ქეგიანთხჷ კონსტანტინოპოლს. 944 წანას კჷნ გილესქერჷ ბიზანტიაშა, იმპერატორქ თის გიშაჸიდირებელი მიარზჷ, ნამუშ უკულით რუსეფს დო ბერძენეფს შქას ხეკულუაქ დიდვინჷ. პირველი რდჷ რუსი თარეფშე, ნამუქჷთ პაჭინიკეფს მოანტჷნ; თინეფწკჷმა გაფორმჷ 5-წანამი ოზებე ხეკულუა. დოჸვილეს დრევლიანეფქ, მუჟანსჷთ კჷნ მაჟირაშა მითხჷ თინეფშე ხარკი.

იგორი რუს. Игорь, უკრ. Ігор
იგორი ეთმეჭოფუნს ხარკის დრევლიანეფშე. ილუსტრაცია რაძივილიშ მატიანეშე
კიევიშ კაბეტი თარი
პოსტის გერინაშ ბორჯი
912 – 945
წიმოხონი	ოლეგი
მონძე	ოლღა
დუნაბადი	დოხოლ. 878
ნაღურა	945 ისკოროსტენი
მუმა	რიურიკი
ნანა	ეფენდა
ალმასქუ	ოლღა
სქუალეფი	სვიატოსლავ I
რელიგია	სლავური აჯამუა

თაშნეშე მიშინუაფუ მუჭოთ იგორ ბადიდი, იგორ I დო იგორ რიურიკოვიჩი (რიურიკიშ სქი).

ლიტერატურა

• ქორთული სხუნუეფიშ ენციკლოპედია, ტ. 5, ხს. 75, ქართი, 1980 წანა.
• Повесть Временных лет, ч. 1-2, М. - Л., 1950;
• Греков Б. Д., Киевская Русь, [М.], 1953;
• იგორი (კიევიშ რუსეთი) // დიდი სხუნუეფიშ ენციკლოპედია [30 ტომო], თარ. რედ. პროხოროვი ა. მ., III გიშაშქ., მოსკ.: გიშმაშქ. „სხუნუეფიშ ენციკლოპედია“, 1969.