ივო ანდრიჩი
ივო ანდრიჩი (სერბ. Иво Андрић, დ. 9 გჷმათუთა, 1892, დოლაცი, ბოსნია, ავსტრია-უნგრეთიშ იმპერია — ღ. 13 მელახი, 1975, ბელგრადი, სერბეთიშ სოციალისტური რესპუბლიკა, იუგოსლავიაშ სოციალისტური ფედერაციული რესპუბლიკა) — იუგოსლავიარი პოეტი, ჭარუ, ნოველისტი, პოლიტიკოსი დო დიპლომატი, ნობელიშ პრემიაშ ლაურეატი ლიტერატურაშ დარგის 1961 წანას. თიშ ნაჭარეფი უმოსო ეთმოჭარუნს რინას ოსმალეთიშ იმპერიაშ უკუპირებულ ბოსნიას.
| ივო ანდრიჩი | |
 ივო ანდრიჩი 1961 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მელახი 13, 1975 (82 წანერი) |
| ღურაშ აბანი: |
ბელგრადი, სერბეთიშ სოციალისტური რესპუბლიკა, იუგოსლავიაშ სოციალისტური ფედერაციული რესპუბლიკა |
| ერუანობა: |
იუგოსლავიარი |
| საქვარუა: |
ჭარუ, პოეტი, დიპლომატი, პოლიტიკოსი |
| პერიოდი : |
1911–1974 |
| Magnum opus: |
ხიდე დრინას (1945) |
| ჟანრი: |
პოეზია, პროზა |
| ნინა: | |
| ჯილდოეფი: |
ნობელიშ პრემია ლიტერატურაშ დარგის (1961) |
|
| |
ივო ანდრიჩი გურაფულენდჷ სარაევოშ სკოლას, უკულ გურაფა გაგინძორჷ ზაგრებიშ დო გრაციშ უნივერსიტეტეფს, სოდეთ ობჟათე სლავეფიშ ისტორიას გურაფულენდჷ. ოდოქტორე დისერტაცია თხილუ გრაციშ უნივერსიტეტის 1924 წანას. გურაფაშ თებაშ უკულ მუშენდჷ დიპლომატო. რდჷ იუგოსლავიაშ ელჩი გერმანიას. მაჟირა მოსოფელიშ ლჷმაშ ბორჯის ცხოვრენდჷ ბელგრადის. ლჷმაშ თებაშ უკულ უკებუდჷ შხვადოშხვა ცერემონიული პოსტეფი. ანდრიჩიქ ღურუ 1974 წანას. ბინა ბელგრადის სოდეთ ანდრიჩი ცხოვრენდჷ, ასე ანდრიჩიშ მუზეუმი რე. ანდრიჩი მერჩქინელი რე სერბული ლიტერატურაშ ართ-ართ უდიდაშ წჷმმარინაფალო.