ინტერნეტი
ინტერნეტი (ინგლ. Internet, ინგლ. Internet protocol-შე — ზტზ. „რშვილეფოშქაშე პროტოკოლი“, მუნაჩემეფიშ გინოჩამაშ პირველი პროტოკოლით, ნამუქჷთ აკოკათჷ ზოხოიანი კომპიუტერული რშვილეფი მოსოფელიშ ბონდღშა, „რშვილეფიშ რშვილი“) — კომუნიკაციური რშვილი დო ინფორმაციაშ ოჩუალარო დო გინაჩამალო კომპიუტერული რშვილეფიშ აკოკათელი მოსოფელიშ სისტემა. „მოსოფელიშ-რშვილი“, ართიანშა მერსხილი კომპიუტერეფიშ საჯაროთ ხემიოჭირინაფუ რშვილი. ინტერნეტის, კანკალეშა უძახჷნა, უბრალოთ „რშვილს“ (The Net), ანუ რშვილეფიშ რშვილს, სოდე მახვარებუეფს, თუ თინეფს ნებეფი ქოუღჷნადა, შეულებჷნა არძანერი კომპიუტერშე მიღან ინფორმაცია. ინტერნეტი შანენს გლობალურ კომპიუტერულ რშვილს, ნამუთ გერსხუ IP პროტოკოლს დო პაკეტეფიშ მარშრუტიზაციას. ინტერნეტი აკმოქიმინუნს გლობალურ საინფორმაციო ოფირჩას დო წჷმარინუანს მოსოფელიშ ბონდღიშ ოსხირს.
██ რუმე-ლენი: net, ca, us ██ წვანე: com, org | ██ ჭითა: mil, gov, edu ██ ჸვინთელი: jp, cn, tw, au, de | ██ იაშფერი: uk, it, pl, fr ██ ორქოშფერი: br, kr, nl ██ ჩე: უჩინებუ რე |
2023 წანაშ დაჭყაფუს ინტერნეტ-მახვარებუეფიშ მუდანობაქ 5,16 მლრდ. ადამიერს ქემიოჭირინჷ, ნამუთ პლანეტა დიხაუჩაშ მახორობაშ 50%-შე უმოსი რე. ინტერნეტიშ მობჟინუას ხე ქეშუნწყ 3G, 4G დო 5G სტანდარტიშ ფიჭური რშვილეფიშ ინტერნეტშა ჭირინაფაქ, სოციალური რშვილეფიშ გოვითარაფაქ დო ინტერნეტ-ტრაფიკიშ გაეფებაქ[1][2].
ინტერნეტიშ სუპერწჷმოძინელი გოვითარაფა გოპიჯაფილი რე თით, ნამჷ-და 2010-იანი წანეფიშ მაჟირა ნორთიშე, მოსოფელიშ ბონდღიქ ფაქტიურო გჷნირთუ დიხაუჩაშ რსულმაშტაბამი ინფორმაციაშ მეღებაშ, კომუნიკაციაშ დო რსხუშ კლასიკურ ხეჭკუდო. არძა „კლასიკური“ მედიაქ — ტელევიზიას, რადიოს დო ბეშტურ გიშაშქუმალეფს უღჷნა რსულფუნქციური ონლაინ-ვერსიეფი, თეშ მოხ, რე ანდა მუდანობაშ ინტერნეტ-მედია დო ბლოგ-პლატფორმა.თეხანური არძაშე პოპულარული ინტერნეტ-რესურსეფი რე სოციალური რშვილეფი (Facebook, Instagram, Twitter), მესენჯერეფი (WhatsApp, Viber, Telegram), თაშნეშე ენციკლოპედია ვიკიპედია დო ვიდეოჰოსტინგი YouTube, ნამუქჷთ ანდა მახვარებუშო გჷნირთუ „ახალ ტელევიზიათ, „დიხაუჩაშ ტელევიზიათ“ დო თ.უ.[3][4][5]
ისტორია
რედაქტირაფა
თარი სტატია: ინტერნეტიშ ისტორია.პრინციპეფი, ნამუშათ აკიმიგაფუაფუ ინტერნეტი, პირველაშე გჷმორინაფილქ იჸუ ARPANET-იშ რშვილს, ნამუქჷთ გიჭყჷ 1969 წანას ამერიკული სააგენტო DARPA-შ დაკვეთათ. ARPANET-იშ ნახანდეფიშ გჷმორინაფათ, 1984 წანას, ააშ-იშ ერუანული ომენცარე ფონდიქ გაჭყჷ რშვილი NSFNET, უნივერსიტეტეფი დო გჷმაკოროცხალი ცენტრეფს შქას რსხუშოთ. კილერი ARPANET-შე გინორთი, NSFNET-შა მერსხუაფა ძალამი დუდიშული რდჷ დო 1992 წანაშო თის ქემიარსხჷ 7500 მორჩილი რშვილქ, თინეფს შქას 2500 ააშ-იშ გალეშე. NSFNET-შ თარი რშვილიშ კომერციული გჷმორინაფაშო გინოჩამაქ გაჭყჷ თეხანური ინტერნეტი.
კონცეფციაშ შემუშება
რედაქტირაფაARPANET (1969 - 1990)
რედაქტირაფაNSFNet (1984 - 1995)
რედაქტირაფამოსოფელიშ ბონდღი (1991 - ასეშა)
რედაქტირაფა
პერსპექტივეფი
რედაქტირაფარესურსეფი ინტერნეტის
რედაქტირაფაhttp://www.internetworldstats.com/asia/ge.htm Archived 2010-02-07 ვებ-ხასჷლას Wayback Machine.
http://www.internetworldstats.com/stats3.htm Archived 2012-01-30 ვებ-ხასჷლას Wayback Machine.
სქოლიო
რედაქტირაფა- ↑ ინტერნეტი დო სოცრშვილეფი 2023 წანაშ დაჭყაფუს — თარი ცირფეფი Global Digital 2023. კითხირიშ თარიღი: 2023-08-27.
- ↑ ინტერნეტი, კუნტა ისტორია დო გაულა ჯარალუაშა / 978-3-659-81847-9 / 9783659818479 / 365981847X. www.lap-publishing.com. კითხირიშ თარიღი: 2016-03-01.
- ↑ KursFinder (2023-09-07). ტოპ-20 კურსი YouTube-შენ + უფასო დოგურაფა YouTube-ის მუწაძინალო — გონათუა ვებ-ხასჷლას vc.ru. კითხირიშ თარიღი: 2023-12-18.
- ↑ YouTube: detailed review and useful lifehacks for use (2023-09-17). კითხირიშ თარიღი: 2023-12-18.
- ↑ Ford, Jonathan. “Is YouTube the new television?“, 2014-11-14. კითხირიშ თარიღი: 2023-12-18.
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |