იორი
იორი (აზერ. Qabırlı; ისტ. სახელწოდებები: კამბისი, ქაბრი, ღანუხი, მცირე ალაზანი[1]) — წყარმალუ ბჟაეიოლ საქორთუოს დო აზერბაიჯანს. ოდუდეს ეთმოჭოფუნს კავკაციონიშ ობჟათე კართეს, ბორბალოშ კონკაწკჷმა, ზუღაშ დონეშე 2600 მეტრაშ სიმაღალას. ჟინ წელს ილინუაფუ ლეხერს, შქა წელს გიშმაკვათუნს სამგორიშ ბეჩას დო მიშმაკათუ მინგეჩაურიშ წყაროხვილუს (ოწმახო მიშმაკათუდჷ წყარმალუ ალაზანს. იორიშ სიგირძა 320 კილომეტრი რე, ღანჩოშ ფართობი - 4650 კვ.კმ, წყარიშ ოშქაშე წანიერი ხარჯი - 12 კუბ.მ/წმ (მიშაკათაფუწკჷმა 43 კმ-ის), ეთმიჯუმუაფუ თარო თირიშ დო ჭვემაშ წყარეფით. იორიშ ნადუეფი რე: კვარჩხანი: — საგომა, გომბორი, ორვილი, ლაფიანხევი; მაძგვანი — ხაჩრულა, ქუსნო, აძეძი, გორანა დო შხვა. თუდონი მალობას უღჷ კუნტახანური ნადუეფი.
| იორი | |
|---|---|
 წყარმალუ იორი უჯარმაშ ჯიხაწკჷმა (ჯაბა ლაბაძეშ ფოტო) | |
| დოხასიათაფა | |
| სიგჷრძა | 320 კმ |
| ღანჩოშ ფართობი | 4650 კვ2 |
| წყარიშ ნადუ | |
| ოდუდე | კავკაციონი |
| ინაკათუ | მინგეჩაურიშ წყაროთხილუ |
| ორენი | |
| |
| ქიანეფი |  საქორთუო,
|
იორს გერსხილი რე მარეგულირებელი სიონიშ წყაროთხილუ. იორიშ წყარით იჸუ დორსხილქ ქართიშ წყაროთხილუქ („ქართიშ ზუღა“). იორიშ წყარით იწყარუ 90 ვითოშ ჰექტარშე უმოსი ფართობი იორიშ ზუგის. წყარმალუს გეკეთებული რე მუსხითირენი ოწყარალი სისტემა, ნამუეფშეთ თარი რე სამგორიშ ჟინი დო თუდონი მაგისტრალური არხეფი.
შქა ოშწანურეფიშ ქორთულ წყუეფს იორს იშინუანა მუჭოთ "მორჩილ ალაზანს" (ქორთ. „მცირე ალაზანს“).
ლიტერატურა
რედაქტირაფა- აფხაზავა ი., ქორთული სხუნუეფიშ ენციკლოპედია, ტ. 5, ხს. 201-202, ქართი, 1980 წანა.
სქოლიო
რედაქტირაფა- ↑ ილიას სახელმწიფო უნივერსიტეტი Archived 2021-05-13 ვებ-ხასჷლას Wayback Machine.