იოჰან პალიზა
იოჰან პალიზა (გერმ. Johann Palisa; დ. 6 ქირსეთუთა, 1848, ტროპაუ, ავსტრიული სილეზია, ავსტრიაშ იმპერია — ღ. 2 მესი, 1925, ვენა, ავსტრია) — ავსტრიალი ასტრონომი. მუში მენცარული კარიერაშ ბორჯის, 1874 წანაშე 1923 წანაშახ, მიოგორუ 122 ასტეროიდის ვიზუალურო, ასტროფოტოგრაფიული მეთოდეფიშ უმუშო.
| იოჰან პალიზა | |
| გერმ. Johann Palisa | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მესი 2, 1925 (76 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: |
ვენაშ უნივერსიტეტი |
| ჯილდოეფი დო პრემიეფი: |
ლალანდიშ პრემია (1876) |
.svg){kind=small}
ბიოგრაფია
რედაქტირაფაიოჰან პალიზაქ დებადჷ ნოღა ტროპაუს (ასეიან ოპავა), 1848 წანაშ 6 ქირსეთუთას. 1866-1870 წანეფს გურაფულენდჷ მათემატიკას დო ასტრონომიას ვენაშ უნივერსიტეტის. უნივერსიტეტის გურაფაშ პერიოდის, პალიზა მუშენდჷ ასისტენტო უნივერსიტეტიშ ობსერვატორიას. 1872 წანას, 24 წანერი პალიზა გეგშაგორეს ავსტრიაშ ოზუღე ობსერვატორიაშ დირექტორო. 1874 წანაშ 18 მელახის, პალიზაქ მიოგორუ ასტეროიდის 136 ავსტრიას. ჸათე პერიოდეფს, პალიზაქ თაშნეშე მიოგორუ 27 ჭიჭე პლანეტას დო ართი კომეტას. ავსტრიაშ ოზუღე ობსერვატორიას, პალიზაშ თარი ინსტრუმენტი რდჷ ამშვი ინჩიანი რეფრაქტორული ტელესკოპი. 1880 წანას პალიზაქ ომუშებუშა გინილჷ ვენაშ ობსერვატორიაშა. ჸათაქ მუშობაშ ბორჯის თიქ ვიზუალურო მიოგორუ 94 კომეტას.
1880-იან წანეფს პალიზა ოკათუდჷ შხვადოშხვა ექსპედიციეფს დო ირკვიენდჷ ბჟაშ გეუკუმელაფას.
პალიზა ართი პერიოდის მუშენდჷ გიშარჩქინელი გერმანალი ასტრონომი მაქს ვოლფიწკჷმა ართო. ჟირხოლო მენცარქ ართო აკადგინეს მურიცეფიშ ატლასი.
პალიზაქ 1876 წანას მიპალუ ლალანდიშ პრემია დო 1906 წანას ვალზიშ პრემია. პალიზაშ ჯოხონობაშ რე ართი ასტეროიდი, თუთაშ კრატერი დო ართი ჭიჭე პლანეტა.