ისირი

ისირი თანეშე ისიროტა, ისირე, ლისირი, ხაია (Carex) — ჩანარეფიშ გვარი ისირიშობურეფიშ ფანიაშე. მიარეწანიანი დოლონიშ აკმაქიმინალი ფესვეტა ოდიარე რე. ისირს თინწახნაკამი, ოშა-გოშათ მორგვალე ღერი უღუ, ნამუსჷთ გოჩანს ღოზური ვარ-და ლანცეტა ფურცელეფი.

ისირიშ 2000-შახ გვარობა რე ჩინებული. უმენტაშო გოფაჩილი რე ზჷმიერი დო რგილი ჰეერიშ ზონეფს. საქორთუოს 90-შახ გვარობა აფხვადჷნა.

ისირი ჩანს ირნერი ტიპიშ ორენს - ტყაშ ზონას, ტიოზის, ტუნდრას დო ალპურ დოლოეფს. გჷშაკერძაფილო მიარეთ რე არძა ზონაშ ლამე დო ჩირე აბანეფს.

ისირს გჷმირინუნა ოსილოსეთ დო ნაცალათ. კანკალე გვარობას - ჭილეფიშ, ჩანთეფიშ დო ქუდეფიშ ორშუალო, დგჷმილეფიშ გინართვალო, ოშა-გოშათ თოკიშ ოგიროხალო. შხუ ისირშე აკეთენა ქარღადის დო შხვა.

ლიტერატურა

• ქიმერიძე კ., ქორთული სხუნუეფიშ ენციკლოპედია, ტ. 5, ხს. 234, ქართი, 1980 წანა.