იტალიური ვიკიპედია
იტალიური ვიკიპედია (იტალ. Wikipedia in italiano) — ვიკიპედიაშ ნორთი იტალიურ ნინაშა. დირსხუ 2001 წანას. 2011 წანაშ 4 გჷმათუთაშ მუნაჩემეფით, იტალიური ვიკიპედია იკათუანდჷ 847 218 სტატიას. ინგლისური, გერმანული დო ფრანგული ვიკიპედიეფიშ უკული იტალიური ვიკიპედია სტატიეფიშ მუდანობაშ მეჯინათ მაანთხა აბანს იკენდჷ.[1] აქტიურობა იტალიურ ვიკიპედიას მიოხე 2001 წანაშ 11 მანგიშე. 2007 წანაშო სტატიეფიშ მუდანობა გჷთმითანჯუდჷ 250 ვითოში სტატიათ. 2011 წანაშ მესიშ დგომარობათ, იტალიურ ვიკიპედიას სტატიეფიშ მუდანობაქ 800,000 ვითოშის ქჷმიოჭირინუ.
 იტალიური ვიკიპედია Wikipedia in italiano | |
|---|---|
 | |
| მიოწურაფუ: | it.wikipedia.org |
| კომერციული: | ვარი |
| საიტიშ ტიპი: | რშვილური ენციკლოპედია |
| რეგისტრაცია: | ვა რე უციო |
| ნინა: | იტალიური |
| მინჯე: | ფონდი ვიკიმედია |
| მუშობაშ დოჭყაფა: | 2001 წანაშ 11 მანგი |
| სტატიეფიშ მუდანობა: | 1,859,478 |
| ხასჷლეფიშ მუდანობა: | 7,971,271 |
| რედაქტირაფეფიშ მუდანობა: | 138,540,743 |
| რეგისტრირაფილი მახვარებუ: | 2,503,466 |
| აქტიური მახვარებუ: | 7,786 |
| ადმინისტრატორი: | 120 |
| სიტომბა: | 187.8 |
2011 წანაშ პროტესტი რედაქტირაფა
2011 წანაშ 4 გჷმათუთას, იტალიურ ვიკიპედიაქ კანონპროექტიშ DDL intercettazioni პროტესტიშ შანო ქიმინჯალა მეჭყვიდჷ. ხეთეშე ენციკლოპედიაშ არძა ხასჷლაქ დიკილჷ.[2]
კანონპროექტი, ნამუსჷთ გჷთმოსხუნუნდჷ იტალიაშ პარლამენტი, ითოლიშწორენს ინტერნეტ-რესურსეფს რსებული არძანერი ინფორმაციაშ უციო გჷნომორსებას ვარდა ეშაღალას, ნამუსჷთ გჷმაცხადაფალი თიში რეპუტაციაშო ოზარალეთ მირჩქინასჷნ. თეწკჷმა ოხვილური ვეჸუაფუდჷ სასამართალო გჷნოჭყვიდირი ვარდა სამართალმათხილე ორგანოეფიშ ფორმალური მოთხირეფი.[3]
თე კანონპროექტის პროტესტი გჷმუცხადჷ იტალიურ ვიკიპედიაქ, ნამუშ ადმინისტრატორეფქ „დოფორეს“ ენციკლოპედიას რსებული არძა ინფორმაცია. ფონდ ვიკიმედიაქ კინ თიმ დღას იტალიურ ვიკიპედიას ალარჷნალა გჷმუცხადჷ.[4] საართო ჯამს, პეტიცია ნაძირეფი რე დოხოლაფირო ბრუო მილიონშახ.[5]
2011 წანაშ 6 გჷმათუთას საიტიქ გინწყჷ, ნამუთ დიო ხოლო ოძირანდჷ თარ ბანერს, სოდე ენწყჷმილი რდჷ ოგიშაგორუე მოჩამილობა. ასე რჩქვანელობურ რეჟიმს მუშენს.
რესურსეფი ინტერნეტის რედაქტირაფა
- იტალიურ ვიკიპედიაქ პროტესტიშ შანო მუშობა მეჭყორიდუ Archived 2012-01-29 ვებ-ხასჷლას Wayback Machine.
- იტალიურ ვიკიპედიაქ მუშობა მეჭყორიდუ
სქოლიო რედაქტირაფა
- ↑ List of Wikipedias
- ↑ Official announcement (English version); permanent link: http://it.wikipedia.org/w/index.php?title=Wikipedia:Comunicato_4_ottobre_2011&oldid=43934170.
- ↑ Camera dei Deputati: disegno di legge N. 1415-B (Italian). Camera dei Deputati.
- ↑ Wikimedia blog » Blog Archive » Regarding recent events on Italian Wikipedia. Blog.wikimedia.org. კითხირიშ თარიღი: 2011-10-05.
- ↑ Wikipedia article traffic statistics. Stats.grok.se. კითხირიშ თარიღი: 2011-10-05. (https://web.archive.org/web/20111008173429/http://stats.grok.se/it/201110/Wikipedia:Comunicato_4_ottobre_2011)
