იტურიშ პროვინცია

იტურიშ პროვინცია (ფრანგ. Ituri) — კონგოშ დემოკრატიული რესპუბლიკაშ პროვინცია, ნამუთ ქიანაშ ოორუე-ბჟაეიოლს იდვალუაფუ. ადმინისტრაციული ცენტრი — ნოღა ბუნია.

იტურიშ პროვინცია
ფრანგ. Ituri

ქიანა	კონგოშ დემოკრატიული რესპუბლიკა
სტატუსი	პროვინცია
ფორჷნს	5 ტერიტორია
ადმინ. ცენტრი	ბუნია
მახორობა (2005)	4 241 236 (4 აბანი)
მეჭედალა	64,60 კოჩი/კმ²
ფართობი	65 658 კმ² (16 აბანი)
ბორჯიშ ორტყაფუ	UTC+1
კოდი ISO 3166-2	CD-IT

გეოგრაფია

2005 წანაშ საკონსტიტუციო რეფორმაშახ იტურიშ პროვინცია რდჷ ჸოფილი ბჟაეიოლიშ პროვინციაშ ნორთი. პროვინციაშ ტერიტორიას მეურს ეყარმალუე იტური. პროვინცია ედომუშამო ფორილი რე ტროპიკული ტყალეფით.

ფლორა დო ფაუნა

პროვინციას ჩანს 30 000-შე უმოსი პეულამი ჩანარი, ხე 1400-შე უმოსი გვარობაშ მაფურინჯე დო 400 გვარობაშ ძუძუშმაწუალი, თნეფს შქას თიჯგურა ოშა-გოშა გვარობეფი, მუჭომეფით რე ოკაპი, გორილა, შიმპანზე, ნჯიქი, თუთიყუშეფიშ მიარე გვარობა. წყარმალუეფს ხე ჩხომეფიშ მიარე გვარობა, თაშნეშე ბეჰემოთეფი დო ნილოსიშ ნიანგეფი.

მახორობა

პროვინციაშ მახორობა — 4 241 236 ადამიერი (2005 წანა).

იტურიშ პროვინცია დოხორელი რე შხვადოშხვა ეთნიკური ბუნეფით, ნამუეფს შქას შილებე გეგშაბრთათ პიგმეეფიშ ტომეფი, ნამუეფით ასეშა ურთიართობა ვაუღუნა ცივილიზაციაწკჷმა დო დუდს ისქილიდუანა მაჯინობათ დო აკოშაყარუათ. მბუტიშ პიგმეეფიშ ტომეფი იკოროცხუნა არძაშე უმოსო დაბალი სიმაღალაშ ადამიერეფო მოსოფელს, თინეფიშ ოშქაშე სიმაღალა აკმადგინანს 135 სმ-ს.

იტურიშ პროვინცია ჩინებული რე ადამიერეფიშ შქას ჭირიშ ლახარაშ შვანეფიშ დიდი ნუდანობათ თეხანურ ოქიანუს — დოხოლ. 1000 დორეგისტრირაფილი შვანი წანმოწანას.

ადმინისტრაციული დორთუალა

პროვინცია დორთილი რე 5 ტერიტორიათ:

• არუ (Aru, 6740 კმ²)
• ჯუგუ (Djugu, 8184 კმ²)
• ირუმუ (Irumu, 8730 კმ²)
• მაჰაგი (Mahagi, 5221 კმ²)
• მამბასა (Mambasa, 36 783 კმ²)