კალინგაშ ომაფე
კალინგა — ჯვეში სახენწჷფო ინდოეთიშ ბჟაეიოლ ნორთის, თეხანურ ორისაშ შტატიშ ტერიტორიას. ჩინებული რე ჯვ. წ. VII ოშწანურაშე დოხოლაფირო ჯვ. წ. 260 წანაშახ. კალინგა ზისხირობუნუ ლჷმაშ უკული ქჷდიჸუნუ აშოკაშ დო ქინკურსხუ მაურიეფიშ იმპერიას. დოხოლაფირო ჯვ. წ. 220 წანაშო კალინგაქ აკადგინჷ ზოხორინალა. უმაღალაშ გოვითარაფას მიოჭირინუ კარაველაშ მართუალაშ ბორჯის (ჯვ. წ. II ვარდა I ოშწანურას), ნამუქჷთ ახორციელჷ რანწკი წჷმოძინელი ლესქერობეფი დო ქჷდიჸუნუ მაგადჰა. კარაველაშ გამნარყეფქ მიოდინეს სინძალიერე. კალინგა ჭიეჭიეთ იდაღარებუდჷ.
