კასტრი (ინგლ. Castries) — სენტ-ლუსიაშ ნანანოღა. 2001 წანაშ 5 ქირსეთუთაშ ეჭარუაშ მუნაჩემეფით, ნოღაშ მახორობა 10 634 ადამიერს აკმადგინანდჷ, ედომუშამო აგლომერაციას - 37 963 ადამიერი ოხორანდჷ. თე ნოღა ინორე კინ თე ჯოხოდვალაშ ოლქიშ აკოდგინალუას დო წჷმარინუანს თიშ ადმინისტრაციულ ცენტრის. ნოღაშ ფართობი აკმადგინანს 79 კმ²-ს. კასტრი იდვალუაფუ თიჯგურა ტერიტორიას სოდე შხირი რე წყარალეფი, ასე თე პრობლემა ნოღას ნორთობურო მოგვარებული რე.
თე ტერიტორიაშა მაართათ ფრანგეფიშე იჸუ მეგორაფილქ 1650 წანას, ნამუსჷთ თინეფქ „კარენეიჟი“ გიოდვეს, მარა უკვე 1756 წანაშე, თე ოხორუეს კასტრიქ გიადუ. 1803-1844 წანეფს, კასტრიშ გოხოლუას ბრიტანალეფქ ხოლო ქჷდიჭყესჷ მუნეფიშ დოხოერლი პუნქტიშ აკოქიმინუა. 1844 წანას თაქ 4000 ადამიერი ოხორანდჷ, არსებენდჷ კარიბიშ ღანჩოშ ტერიტორიას ართ-ართ შანულამი ონიშოლი.
ასე კასტრის ძალამ გოვითარაფილი რე ტურიზმი.
