კეიპტაუნი
კეიპტაუნი (ინგლ. Cape Town, აფრ. Kaapstad, კოს. iKapa) — მახორობაშ მეჯინათ მაჟირა ნოღა რე ობჟათე აფრიკაშ რესპუბლიკას. ნოღა კეიპტაუნი მიშმურს კინ თე ჯოხოდვალაშ ონოღე ოლქიშ აკოდგინალუაშა. იდვალუაფუ ქიანაშ ობჟათე-ბჟადალს, ატლანტიშ ოკიანეშ წყარპიჯის, კეთილი იმენდიშ კოდმეშ გოხოლუას. ნოღა ბჟადალი კაპლანდიშ პროვინციაშ ადმინისტრაციული ცენტრი რე. კეიპტაუნი წჷმარინუანს ობჟათე აფრიკაშ რესპუბლიკაშ ოკანონმადვალე ნანანოღას, თექ რე პარლამენტიშ დო შხვა ოთარობე დჷნაწესებუეფიშ დგჷმილეფი. ნოღა ჩინებული რე მუში ნოშოდგჷმეთ დო ედომუშამი მოსოფელს ჩინებული რე ოქინაფუეფით, მუჭომეფით რე ტაბაკიშ გვალა, კეთილი იმენდიშ კოდმე, კეიპ-პოინტი. კეიპტაუნიშ გოხოლუას არსებული კაპიშ ოლქი 2004 წანაშე იუნესკოშ მოსოფელიშ მონძალაშ ობიექტო რე მერჩქინელი. ნოღაშ ტერიტორიას მიარე ოქინაფუ იდვალუაფუ. ფორბსიშით თე ნოღა, მოსოფელიშ ართ-ართი უსქვამაში დოხორელი პუნქტო რე აღიარაფილი[1]. კეიპტაუნი წჷმარინუანს ობჟათე აფრიკაშ რესპუბლიკაშა მულირი ტურისტეფიშ ართ-ართ არძაშე პოპულარულ ნოღას.
|
სქოლიო რედაქტირაფა
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |