კირცხი (ტაროსი)
კირცხი — ატმოსფერული ნოლექი, ნამუთ აკმოდირთუ ჸინიშ შხვადოშხვა ზჷმაშ (5-55 მმ; მერკეთ 130 მმ-შახ) სფერული ნანორთეფი, ვარდა ნოტეხეფშე. კირცხიშ კაკალს ფალობური აკოდგინალუა უღჷ - არსებენს 1 მმ სისქაშ გოჭვირაფილი დო გვერდო გოჭვირაფილი ფალეფი. კირცხი, რჩქვანელობურო ტყვაც დო გურგინიშ დო გემანტირე ჭვემაშ ბორჯის უჩქჷ, უმენტაშო წანაშ ტიბუ პერიოდის (მუჟამსჷთ ტემპერატურა 20 °C-შე უმოსი რენ). კირცხი მოურს შაყარელ ჭვემაშ მუნაფეფშე. კირცხიშ ღოზიშ სიგანა მუსხირენ კილომერტი რე, სიგჷრძა - ვითობათ, კანკალეშა ოშობათ კილომეტრი. თიშ ხანგჷრძობა 5-10 წუთშე ⅓ სათშახ. კირცხუაშ ბორჯის 1 წუთის 1მ2 ჟინპიჯის დუთმოლუ 500-1000 კირცხის კაკალი, თინეფიშ სიმანგარე 0,5-0,9 გ/სმ2.
საქორთუოს კირცხამ დღალეფიშ ოშქაშე წანმოწანური რიცხუ რე 2-10 (ბჟადალ საქორთუოშ - რზენს 0,2-2; გვალასი 8-შახ. ბჟაეიოლ საქორთუოს - რზენს 2-3, გვალას 10-შახ). კირცხი დიდ გავალს მითმიორინუანს ოფუტეშ მეურნობას (საქორთუოს გიშაკერძაფილო იზარალებჷნა კახეთიშ რაიონეფი), თეშ გეშა, დიდი შანულობა უღუ კირცხიშ სააწმარენჯო ქიმინჯეფიშ აკომუშებას. რჩქინელი რე, ნამჷ-და 1961 წანას ინდოეთის კირცხიქ დოჸვილჷ მუნჭყვი, 1981 წანას, ჩინეთის 10 ვითოშშე უმოსი დგჷმილ-აკნაგეფი აზარალჷ.
რესურსეფი ინტერნეტის
რედაქტირაფა
- Hail Storm Research Tools
- Hail Factsheet Archived 2009-10-15 ვებ-ხასჷლას Wayback Machine.
- U.S. Billion-dollar Weather and Climate Disasters