უიარაღო
| კონდრატე თათარიშვილი | |
|---|---|
| ფსევდონიმი | უიარაღო |
| დაბადებაშ თარიღი |
21 ეკენია, 1872 |
| დაბადებაშ აბანი |
აბასთუმანი, ზუგდიდიშ მუნიციპალიტეტი |
| ღურაშ თარიღი: |
9 მესი, 1926 |
| ღურაშ აბანი: |
ქართი |
| ერუანობა | ქორთუ |
| საქვარუა | ჭარუობა |
უიარაღო (თახმი ჯოხო დო გვარი: კონდრატე დავითიშ სქი თათარიშვილი. დ. 21 ეკენიას, 1872, ოფუტე აბასთუმანი, ამდღანერი ზუგდიდიშ მუნიციპალიტეტი — ღ. 9 მესი 1929, ქართი) — ქორთუ ჭარუ.
ბიოგრაფია
რედაქტირაფა1887 წანაშე გურაფულენდჷ ქართიშ,1893 წანაშე კიევიშ ოშურიელე სემინარიას. (გათუ 1894). პირველი თხობელუა ,,მშვიდობით“ 1895 წანას გჷმაბჟინუ ჟურნალ ,,მოამბეს.“ 1896 პაპათ აკურთხეს. ღურამესარჯებულ რევოლუციონერი ჯარიშკოჩეფიშ გინორინაშენი 1906 წანას ოხვამეშე გეგნორაჸეს.
უიარაღოქ გაგინძორჷ ინტენსიური ლიტერატურული ქარანუა. წოროხანდენდჷ ჟურნალ–გაზეთეფწკჷმა (მოამბე,“ ჯეჯილი“,,,კვალი“ ,,მეგობარი“,დროება“ დო შხვა), თხობელუეფც "მე და ბიძაჩემი“, "ჩაიზე“, "უსიამოვნო შეხვედრა“, რეაქცია“ "პირუთვნელი დაფასება“ "წესდება“ (1900–1913) ჭარუ მუკმარჩქინანდჷ ბურჟუაზიულ ჯარალუაშ მანკიერებეფც. თიში პუბლიცისტური ჭარილობა მეწურაფილი რდჷ ცარიზმიშ საწინაღნდეგოთ. პოლიციაშ გესაძინეობაშ თუდო რინელ უიარაღოქ აძულებურქ იჸუ 1912-დეთხუკო საქორთუოსჷნ. 1912–1919 წანეფც გურაფულენდჷ ბრიუსელიშ უნივერსტეტიშ ორთაშმენცარობაშ ფაკულტეტის გეოლოგიურ გჷნორთის. საქორთუოშა დორთაშ უკული (1921) წანას ხანდენდჷ ქართიშ სახენწჷფო უნივერისტეტიშ გეოლოგიაშ კათედრაშ ასისტენტო. 1923 წანაშე საქორთუოშ სახენწჷფო მუზეუმიშ გეოლოგიურ გჷნორთის. უიარაღოშ მენცარული ნახანდეფი კილ კილშა ოწაწგჷნორთის კოლხეთიშ რზენიშ, ალაზანიშ ვეშ დო თრიალეთიშ ბჟაეიოლ ნორთიშ ჰიდროგეოლოგიურ ოკითხურეფც. თეწკჷმა ართო არკვიენდ ოკიდალი მოღეეფიშ დო ბეტონიტურ დიხაჭუბერეფიშ ოშაყარუშ ოკითხურეფც. უიარაღოშ შანულამი ჭარილობა, ნამუქგჷნორთისთ ოქიანე აღიარაფა მოუღჷ ავტორცჷნ, რე ისტორიული თხობელუა "მამელუკი“ (გიმიბჟინუ 1912 კათელი "გრდემლი". წიგნი II, ფილმი ( მამლუქი. 1958) თხობელუა უჯვეშაშ საქორთუოშ ართ–ართი უწვავაშ ოჭვებელც ჭკორეფიშ შხვათურეფშა მეჸიდირც ოწაწგჷნორთის. კვათიერი პატრიოტული შურძალიერებაქ სანწალე სიუჟეტის მიშაწყორილ ნათელ სტილქ გოპიჯალუ რევოლუციაშახ პროზაშ ჭიჭე (ტიციან ტაბიძე ) შედევრიშ ფართე პოპულარობა. უიარაღოს ორხველჷ ხოლო რომანი ,,მაძიებელნი“(იჭარუ 1902 წანას. პირველო ისტამბჷ მერკეთ 1940 წანას ჟურნალ "მნათობის“ 1957–58 წანეფც გუმობჟინდჷ ჭარუშ აკნარსხეფიშ რსული კათელქ, ჟირ ტომო.(აკმადგინაფალი მონოგრაფიული ნარკვევეფიშ დო ბიბლიოგრაფიული შენიშვნეფიშ ავტორი სოლომონ ცაიშვილი).
ლიტერატურა
რედაქტირაფა- ქორთული სხუნუეფიშ ენციკლოპედია, ტ. 10, ხს. 116, ქთ., 1986 წანა.
რესურსეფი ინტერნეტის
რედაქტირაფა- უიარაღოშ ქიმერონი ner.ge-ს Archived 2014-01-01 ვებ-ხასჷლას Wayback Machine. — „ქორთული ლიტერატურაშ დიდი ბიბლიოთეკა“