კოპეშიაშობურეფი

კოპეშიაშობურეფი (ლათ. Cucurbitaceae) — ჟირლებერამი ჩანარიშ ფანია. ართწანიანი, კანკალეშა მიარეწანიანი გონთხაფილი ვარდა ღოღაია ოდიარეეფი, ოშა-გოშათ ბართვეფი დო მორჩილი ჯალეფი რე. უღჷნა ხუთწვანდამი, უმოს შხირას ართსქესამი, ფურცელეფმიშარდილი პილეფი; გიმენი სუმბუდნა ნასკვი, ართი კუნტა, სუმი ნალიშობური ძგონძგოთ თებული სჷმეტი; უმენტაშო მიარეთასამი კოპეშია გუმნაღელით.

ჩინებული რე 90-შახ გვარი დო 760-შახ გვარობა. თარო გოფაჩილი რე ტროპიკეფს. საქორთუოს ხვალე 2 გვარი — ლეშურა დო კინტირა ჩანს. ომეურნე შანულობაშ რე კინტირი, შინკა, კოპეშია, ხაბურზაკი, ხოკორია კოპეშია, ლუფა, კოლოქვინთი. კანკალე კოპეშიაშობურეფი სამანგათ, ტლანდიანტა, დეკორატიული რე.

ლიტერატურა

• ქორთული სხუნუეფიშ ენციკლოპედია, ტ. 3, ხს. 201, ქართი, 1978 წანა.

• კბვაჭაძე გ., ქორთული სხუნუეფიშ ენციკლოპედია, ტ. 2, ხს. 72, ქართი, 1977 წანა.