კორმაკ მაკკარტი
ჩარლზ ჯოზეფ მაკარტი უკულაში (ინგლ. Charles Joseph McCarthy Jr.; დ. 20 კვირკვე, 1933, პროვიდენსი, როდ-აილენდი, ააშ — ღ. 13 მანგი, 2023, სანტა-ფე, ნიუ-მექსიკო, ააშ), უმოსო შინელი რე მუჭოთ კორმაკ მაკკარტი, ინგლ. Cormac McCarthy — ამერიკალი ჭარუ, ნოველისტი, დრამატურგი დო სცენარისტი. მერჩქინელი რე ართ-ართ უდიდაშ ამერიკალ ნოველისტო. თიში ნაჭარეფიშ უმენტაშობა ორხველჷ ობჟათეშ გოთიკაშ, ვესტერნიშ დო პოსტაპოკალიპტიკაშ ჟანრეფს. მაკკარტი რე ავტორი ვითოჟირი რომანიშ, ჟირი პიესაშ, ხუთი სცენარიშ დო სუმი კუნტა თხობელუაშ.
| კორმაკ მაკკარტი | |
.jpg) კორმაკ მაკკარტი 1973 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მანგი 13, 2023 (89 წანერი) |
| ღურაშ აბანი: |
სანტა-ფე, ნიუ-მექსიკო, ააშ |
| ერუანობა: | |
| საქვარუა: | |
| პერიოდი : |
1965—2022 |
| Magnum opus: |
ბაღჩაშ მათხილარი (1965) |
| ჟანრი: | |
| ნინა: | |
| ჯილდოეფი: |
ფოლკნერიშ პრემია (1965) |
|
| |
დებადჷ როდ-აილენდიშ ნოღა პროვიდენსის, კათოლიკე ირლანდიარეფიშ ფანიას. გურაფულენდჷ ფიზიკას დო ინჟინერიას ტენესიშ უნივერსიტეტის. 1953 წანას მაკკარტიქ ამერიკაშ ოურდუმე ოჰეერე ნძალეფს ქაკათჷ. ჸათე პერიოდიშე დეინტერესჷ ჭარალუათ. 1957 წანას გჷმაბჟინუ მაართა თხობელუეფი უნივერსიტეტიშ ლიტერატურულ ჟურნალს.
1965 წანას გიშართჷ მაკკარტიშ ოდებიუტე რომანქ "ბაღჩაშ მათხილარი", ნამუშ გეშათ მაკკარტის გინოჩეს უილიამ ფოლკნერიშ პრემია 1966 წანას. მალას მაკკარტიქ მიპალუ ლიტერატურული სტიპენდია დო ევროპაშა მიდართჷ, სოდეთ გვარიან ხანს ქოცხოვრენდჷ. ევროპას რინაშ ბორჯის ჭარუ მუში მაჟირა რომანი "გალენი უკუმელა" (1968). 1979 წანას გიშართჷ რომანქ "სატრი", ნამუქჷთ ავტორს დიდი პოპულარობა მოუღჷ, მარა თის ავტორიშა დიდი ფინანსური მოგება ვამუღალუ.
შხვადოშხვა ექსპერტეფს მაკკარტიშ შედევრო მიოჩქუნა რომანი "ზისხირიშ მერიდიანი" (1985). ნამთინე კრიტიკოსიშ აზრით ჸათე ნაწარმები დიდი ამერიკული რომანი რე.
მაკკარტი, თაშნეშე შინელი რე "სანძღოშ ტრილოგია"-თ, ნამუთ იკათუანს რომანეფს: "სკვამი ცხენეფი" (1992), "გინალუ" (1994) დო "რზენიშ ნოღეფი" (1998). მაკკარტი რდჷ შხვადოშხვა პრემიეფიშ დო ჯილდოეფიშ ლაურეატი. 2007 წანას მიპალუ პულიცერიშ პრემია, რომანიშო "შარა". მაკკარტიშ წინგეფი რდჷ ბესტსელერეფი დო ითანგჷ მოსოფელიშ ბრელი ნინაშა.
მაკკარტიშ რომანეფიშ სიუჟეტეფს გერსხილი რე ბრელი კინოფილმი.
გიშნაგორა ნახანდეფი
რედაქტირაფარომანეფი
რედაქტირაფა- ბაღჩაშ მათხილარი (1965)
- გალენი უკუმელა (1968)
- ღორონთიშ სკუა (1973)
- სატრი (1979)
- ზისხირიშ მერიდიანი (1985)
- სკვამი ცხენეფი (1992)
- გინალუ (1994)
- რზენიშ ნოღეფი (1998)
- ჸათაქ რჩინეფი ვარენა (2005)
- შარა (2006)
- მეშარე (2022)
- სტელა მარისი (2022)
ლიტერატურა
რედაქტირაფა- Frye, Steven (2009). Understanding Cormac McCarthy. Columbia, SC: University of South Carolina Press.
რესურსეფი ინტერნეტის
რედაქტირაფა- კორმაკ მაკკარტიშ ჯარალუა Archived 2023-06-14 ვებ-ხასჷლას Wayback Machine.
- კორმაკ მაკკარტი — კინოფილმეფიშ ინტერნეტ მუნაჩემეფიშ ბაზას (ინგლისური)
- კორმაკ მაკკარტი Discogs-ის
- კორმაკ მაკკარტი ბჟადალი ამერიკაშ ლიტერატურულ ჟურნალს
- კორმაკ მაკკარტი ენციკლოპედია ბრიტანიკას