კრაკენიშ ზუღა
კრაკენიშ ზუღა — სითხეშ უდიდაში ღანჩო სატურნიშ ალმაშარე ტიტანიშ ჟიდოხის. 2008 წანას მიოგორუ კოსმოსურ ხვამარდ კასინიქ; ჯოხოქ გიადუ ნორვეგიული მითოლოგიაშ ზუღაშ მონსტრიშ, კრაკენიშ პატიოჩამალო.[1]
ეჭარუა
რედაქტირაფაკრაკენიშ ფართობი 400 000 კმ²-იე[2] დო მერჩქინელიე სითხეშ უდიდაშ ღანჩოთ ტიტანიშ ოორუე პოლარულ რეგიონს.[1] მაქსიმალური სიტომბა საეგებიოთ 160 მეტრიე, 1,5 სმ სიმაღალაშ დუდთხჷთხჷ კაპილარული პოპორეფი — 0,7 მ/წმ სიჩქარათ გინიარდგილებუ.[3] მუში, მუჭოთ ნოშქერწყარბადიშ (ჯინჯიერო ოწჷმაია მეთანი) ზუღაშ სტატუსიქ რადარული ფოტოგრაფიაშ რზათ გითანჯჷ. საეგებიოთ, კრაკენიშ ზუღა დიხაუჩაშ კასპიაშ ზუღაშე დიდიე.
ზუღას იდვალუაფუ კოკი — მაიდა-ისნულა. შილებე, ნამჷ-და კრაკენიშ ზუღა ჰიდროლოგიურო მერსხუაფილი რდას ტიტანიშ მაჟირა უდიდაშ ზუღაწკჷმა — ლიგეიაწკჷმა.
ართ აბანს, ზუღა დოხოლაფათ 17 კმ სიგანაშახ იინწრებუ დო გიბრალტარიშ საროტიშ ზჷმას იღენს; თე აბანს კრაკენიშ ხორხის უძახჷნა[4] დო საეგებიოთ, თექ შანულამი მალობეფიე.[5] ტიტანიშ ორბიტული ექსცენტრიულობა შილებე გოპიჯალანდას ზუღაშ 1-მეტრიან მორიეფს 0,5 მ/მრქ სიჩქარათ, თაშნეშე მორიეფსჷთ.
სამუმალოთ, NASA-შ დო ევროპაშ კოსმოსური სააგენტოშ ართობური, სატურნიშ სისტემაშ მისიაშ ფარგალეფს, კრაკენიშ ზუღას გეგმილიე ზონდიშ დოხუნაფა, ნამუთ აკიგურუანს მუშ აკოდგინალუას, სიტომბას დო შხვა მიარე მახასიათაფალს.
გალერეა
რედაქტირაფა-
ტიტანიშ ოორუე პოლარული რეგიონი. რადიოლოკაციური სინთეზირაფაშ აპერტურაშ ფოტო (ჟი) გინოფორაფილიე ძირაფონი სინათეშ/ინფრაჭითა სურათის. ედომუშამო იძირებე კრაკენიშ ზუღა. -
რადარული ფოტო, ნამუთ ესახჷნს კრაკენიშ ზუღაშ ოორუე ნორთის, თინეფ შქას კოკი მაიდა-ისნულას. -
კრაკენიშ ზუღაშ ართ-ართი ნორთიშ რადარული ფოტო; ჯგირო რჩქჷ დოსვარილი ძგა დო მიარე კოკი. -
სინათეშ ესარკუა კრაკენიშ ზუღაშ რეგიონშე; კასინიშ გინოღალირიე, 8 კვირკვე, 2009 წ.
რესურსეფი ინტერნეტის
რედაქტირაფა
სქოლიო
რედაქტირაფა- ↑ 1.0 1.1 Kraken Mare. Gazetteer of Planetary Nomenclature. USGS Astrogeology Science Center. კითხირიშ თარიღი: 2012-03-16.
- ↑ Titan's Northern Polar Clouds. NASA JPL (March 17, 2011). კითხირიშ თარიღი: 2016-01-23.
- ↑ Hand, Eric. “Spacecraft spots probable waves on Titan’s seas“, Science, December 16, 2014. კითხირიშ თარიღი: 2015-01-14.
- ↑ Seldon Fretum. USGS planetary nomenclature page. USGS. კითხირიშ თარიღი: 2015-05-23.
- ↑ Rincon, P. (2014-03-18). 'Waves' detected on Titan moon’s lakes. BBC web site. BBC. დოარქივაფილი რე ორიგინალშე 2014-05-31-ს. კითხირიშ თარიღი: 2014-06-09.