ლაიმენ სპიტცერი

ლაიმენ სპიტცერი
	ლაიმენ სპიტცერი
	ინგლ. Lyman Spitzer
დაბადებაშ თარიღი:	26 მანგი, 1914
დაბადებაშ აბანი:	ტოლიდო, ოჰაიო, ააშ
ღურაშ თარიღი:	მელახი 31, 1997 (82 წანერი)
ღურაშ აბანი:	პრინსტონი, ნიუ-ჯერსი, ააშ
მენოღალობა:	ააშ
ომენცარე სფერო:	თეორიული ფიზიკა
სამუშაშ აბანი :	პრინსთონიშ უნივერსიტეტი
ალმა-მატერი:	პრინსთონიშ უნივერსიტეტი; იელიშ უნივერსიტეტი; ფილიპსიშ აკადემია
ომენცარე ხემანჯღვერი:	ჰენრი ნორის რასელი
ჯოხოშინელი მოგურაფეეფი:	ჯონ რიჩარდ გოტი; ჯორჯ ფილდი
ჯილდოეფი დო პრემიეფი:	ხელუანობეფიშ დო მენცარობეფიშ ამერიკული აკადემიაშ მაკათური (1953); ბრიუსიშ მენდალი (1973); ჰენრი დრეიპერიშ მენდალი (1974); ჯეიმს კლარკ მაქსველიშ პრემია პლაზმური ფიზიკაშ დარგის (1975); მენცარობაშ ერუანული მენდალი (1979); ასტრონომიაშ ომაფე ჯარალუაშ ორქოშ მენდალი (1978); ფრანკლინიშ მენდალი (1980); ჟიულ ჟანსენიშ პრემია (1980); კრაფორდიშ პრემია (1985)

ლაიმენ სპიტცერი უკულაში (ინგლ. Lyman Spitzer Jr.; დ. 26 მანგი, 1914, ტოლიდო, ოჰაიო, ააშ — ღ. 31 მელახი, 1997, პრინსტონი, ნიუ-ჯერსი, ააშ) — ამერიკალი ფიზიკოსი, ასტრონომი დო ალპინისტი. სპიტცერიშ რკვიებეფი ორხველუდჷ მურიცხეფიშ ფორმაციას დო პლაზმურ ფიზიკას. 1946 წანას სპიტცერიქ წჷმარინუ კოსმოსური ტელესკოპეფიშ იდეა. გიმიგონჷ სტელარატორი. ლაიმენ სპიტცერი რდჷ შინელი ალპინისტი ხოლო. თინა რდჷ პირველი, ნამუქჷთ ეშართჷ თორიშ გვალაშ კონკაშა.

ლაიმენ სპიტცერი გურაფულენდჷ ფილიპსიშ აკადემიას. უკულ გურაფა გაგინძორჷ იელიშ უნივერსიტეტის. ართი პერიოდის გურაფულენდჷ კემბრიჯიშ უნივერსიტეტის ხოლო. ჸათაქ თიში მენცარული კარიერაშა დიდი გოლინა იღვენუ ართურ ედინგტონქ დო სუბრაჰმანიან ჩანდრასეკარქ.

სპიტცერიქ ოდოქტორე დისერტაცია თხილუ პრინსთონიშ უნივერსიტეტის, 1938 წანას ჰენრი ნორის რასელიშ ხემანჯღვერობათ.

გურაფაშ თებაშ უკული მუშენდჷ პრინსთონიშ უნივერსიტეტიშ ლაბორატორიაშ დირექტორო. ჸათე პოსტი უკინებუდჷ 1979 წანაშახ.

სპიტცერი რდჷ შხვადოშხვა პრესტიჟული პრემიეფიშ დო ჯილდოეფიშ ლაურეატი. ღურუ 1997 წანაშ 31 მელახის, 82 წანერქ. დასაფულებური რე პრინსთონიშ სასაფლას.

ლაიმენ სპიტცერიშ ჯოხონობაშ რდჷ კოსმოსური ტელესკოპი, ნამუთ ოპერირებადი რდჷ 2003-2020 წანეფს.

ლაიმენ სპიტცერი

რესურსეფი ინტერნეტის რედაქტირაფა