ლაოაგი
ლაოაგი (ოფიციალურო ნოღა ლაოაგი; ილოკ: Siudad ti Laoag) — მასუმა კლასიშ აკმადგინალი ნოღა დო ოორუე ილოკოსიშ პროვინციაშ ადმინისტრაციული ცენტრი ფილიპინეფს. ლაოაგი პროვინციაშ პოლიტიკური, კომერციული დო ინდუსტრიული ცენტრი რე. ლაოაგის იდვალუაფჷ ილოკოსიშ რეგიონიშ არძაშე დოხარგელი აეროპორტი.
ნოღა
|
ნოღას მუკი-მუკი ომძღჷ სან-ნიკოლასიშ, პაოაიშ, სარატიშ, ვინტარიშ დო ბაკარაშ მუნიციპალიტეტეფი. ლაოაგიშ ბჟადალშე ცენტრალური კორდილერაშ გემინდორია იდვალუაფჷ, ბჟაეიოლშე — ფილიპინეფიშ ზუღა.
ლაოაგის ოორუე ლუსონიშ მუსონური კლიმატი რე გოპატჷნაფილი. სქირე სეზონი გერგობათუთაშე პირელშახ იგჷნძორებჷ, ჭვემეფიშ სეზონი — მესიშა გჷმათუთაშახ.
გეოგრაფია რედაქტირაფა
ლაოაგი ოორუე ილოკოსიშ პროვინციაშ ბჟადალ-ცენტრალურ ნორთის იდვალუაფჷ დო ბჟადალშე ფილიპინეფიშ ზუღა ომძღჷ. ბჟაეიოლშე სარატიშ მუნიციპალიტეტი, ობჟათე-ბჯაეიოლშე სან-ნიკოლასიშ მუნიციპალიტეტი, ობჟათე-ბჟადალშე — პაოაიშ მუნიციპალიტეტი, ოორუე-ბჟაეიოლშე — ვინტარიშ მუნიციპალიტეტი, ოორუე-ბჟადალშე — ბაკარაშ მუნიციპალიტეტი, ბჟადალშე — ობჟათე ჩინეთიშ ზუღა ომძღჷ. ლაოაგი ილოკოსიშ რეგიონიშ ართ-ართი უკაბეტაში ნოღა რე.[1]
ნოღა პოლიტიკურო 80 ბარანგაით ირთჷ.[2]
კლიმატი რედაქტირაფა
ლაოაგი ტროპიკული სავანაშ კლიმატურ ორტყაფუს იდვალუაფჷ. ტემპერატურა მერკეთ ითირჷ ქირსეთუთაშე-ფურთუთაშახ პერიოდის. კლიმატის ჟირი კვათიერო გჷმოხანტილი სეზონი ახასიათენს: სქირე დო ჭვემეფიშ სეზონი. სქირე სეზონი რჩქვანელობურო გერგობათუთას იჭყაფჷ დო პირელშახ იგჷნძორებჷ, ჭვემეფიშ სეზონი წანაშ დოსქილადირ პერიოდის იკათუანს. ნოღა ოორუე-ბჟაეიოლოიშ მუსონეფშე კორდილერაშ დო სიერა-მადრეშ გვალეფით რე თხილერი, მარა კანკალეშა ობჟათე-ბჟადალიშ მუსონეფი დო ციკლონური წალიკონეფი მეთმიაგამჷ.
ჭვემეფიშ სეზონიშ ბორჯის ნოლექეფიშ ოშქაშე თუთური მაძირაფალი 100 მმ-შე უმოსი რე. ჭვემეფიშ სეზონიშ პიკი მანგის, კვირკვეს დო მარაშინათუთას რე. მესის ტემპერატურა 36.2 °C-ს (97.2 °F) ონჭჷ, ღურთუთას — 11.4 °C-შახ (52.5 °F) დჷთმოლჷ. ნოღაშ ოშქაშე ტემპერატურა 27.25 °C რე (81.05 °F), სილამეშ მაძირაფალი — 75.5%-ია. ირწანას ნოღას ოშქაშეთ 4-5 ტროპიკული ციკლონი მეთმიაგამჷ.
მაჸალე ნოღეფი რედაქტირაფა
ბიბლიოგრაფია რედაქტირაფა
- (2006) The Ilocos Heritage. Makati City: Tower Book House. ISBN 978-971-91030-9-7.
- (1993) Historical Markers: Regions I-IV and CAR (Filipino). Manila: National Historical Institute (Philippines), 88 ხს.. ISBN 9715380611.
რესურსეფი ინტერნეტის რედაქტირაფა
სქოლიო რედაქტირაფა
- ↑ Geographical Location. City Government of Laoag. დოარქივაფილი რე ორიგინალშე 11 ოქტომბერი 2016-ს. კითხირიშ თარიღი: 25 ნოემბერი 2020.
- ↑ 2010 Census of Population and Housing: Total Population by Province, City, Municipality and Barangay:as of May 1, 2010 (PDF). Philippine Statistics Authority. დოარქივაფილი რე ორიგინალშე 23 ოქტომბერი 2014-ს. კითხირიშ თარიღი: 18 October 2014.