ლასკერიშ პრემია

ლასკერიშ პრემია (ინგლ. Lasker Award) — ამერიკული პრემია მედიცინაშ დარგის. პრემია გინმაჩამუ ჸეთი ადამიერეფს ნამუეფქჷთ მიშეღეს დიდი თია მედიცინაშ გოვითარაფაშა. პრემიას ადმინისტრირენს ლასკერიშ ფონდი, ნამუთ დარსხუეს ამერიკალ ბიზნესმენქ ალბერტ ლასკერქ დო თიში ალმასქუ მერი ლასკერქ.

ლასკერიშ პრემია რე პოპულარული დო პრესტიჟული პრემია მედიცინაშ დარგის დო თის ამერიკულ ნობელიშ პრემიას ხოლო უძახჷნა. 2022 წანაშ მუნაჩემეფით ლასკერიშ პრემიაშ ლაურეატეფიშე 86-ქ, თაშნეშე მიპალუ ნობელიშ პრემია.

პრემია გინმიჩამუ ოთხი კატეგორიას:

1. ლასკერიშ პრემია ბაზისური მედიცინაშ დარგის
2. ლასკერი-დებეიკიშ პრემია კლინიკური მედიცინაშ დარგის
3. ლასკერი-ბლუმბერგიშ ოჯარალე ნინალაშ პრემია
4. ლასკერი-კოშლანდიშ პრემია სპეციალური მეჭირინაფეფიშო მედიცინაშ დარგის

ლასკერიშ პრემია იკათუანს ფინანსურ ჯილდოს 250,000 ამერიკული დოლარიშ მუდანობათ.

რესურსეფი ინტერნეტის რედაქტირაფა

The Lasker Foundation - Official site
Albert and Mary Lasker Foundation - Albert Lasker Awards Archives (1944-)—National Library of Medicine finding aid