ჯიჯაღი
ჯიჯაღი, ყილიმი თაშნეშე ლეოპარდი (ლათ. Panthera pardus) — ბჟაშუმუ ჩხოლარი კატუშობურეფიშ ფანიაშე. თიში რსხულიშ სიგჷრძა რე 160 სმ, კუდელიშ — 110 სმ, წონა 75 კგ-შახ. დადული მუმულშე მორჩილი რე. ჯიჯაღის უღუ მოჸვინთელე ვარდა ჟღირჟღა, უჩა ხალეფით მოხანტილი რსხული. გოფაჩილი რე აფრიკას (საჰარაშ მოხ), მორჩილი დო ობჟათე აზიას თურქმენეთის, ტაჯიკეთის, შორიშ ბჟაეიოლს. თელარაშ ხანგჷნძარობა 10-11 წანა, ტყვეობას — 21 წანა.[1]
| ჯიჯაღი | ||||||||||||||||
|---|---|---|---|---|---|---|---|---|---|---|---|---|---|---|---|---|
 |
||||||||||||||||
| მენცარული კლასიფიკაცია | ||||||||||||||||
|
||||||||||||||||
| ლათინური ჯოხო | ||||||||||||||||
| Panthera pardus | ||||||||||||||||
| თხილუაშ სტატუსი | ||||||||||||||||
 | ||||||||||||||||
|
|
ხე აჯამეთის. მაკება იგჷნძარებუ 99 დღა დო სერს. ხანს 1-3 ღიუ ბოქურს. ჭკომუნს ტყარი (კანკალეშა ჸუდეშ) ჩორქოამეფით, ოშა-გოშათ მახვატალეფით დ მაფურინჯეეფით. ეიოშინალი რე ადამიანშა გენთხაფაშ შვანეფი. ჯიჯაღიშ საართო მუდანობა არეალიშ ედომუშამ ფართობის გეხუნელო მორჩილი რე.[2]
საქორთუოს ჯიჯაღი დახე ედომუშამო ეშალაფირი რე. 1950-1980 წანეფს ჯიჯაღი რეგისტრირაფილი რდჷ ყორნისიშ რაიონს (1950), ზედაზენწკჷმა (1954), ოფუტე მათურაწკჷმა (1978). 2003 წანას მანჯაფილ ობაზისე რკუალაქ ვაშლოვანიშ ერუანული პარკის ფარსაგიშ წჷმი მარენჯი წჷმიაზიური ჯიჯაღის (ლათ. Panthera Pardus tulliana) მიოგორუ.[3]
ასეშო საქორთუოს აკა წჷმიაზიური ჯიჯაღი ზუსტას ვაშლოვანიშ ერუანული პარკიშ ტერიტორიას რე რეგისტრირაფილი. თიში ჰაბიტატი ვაშლოვანიშ, პანტიშარიშ ლეხერიშ დო ალაზანიშ (მიჯნიშ ჸუჯი) ცენტრალურ ნორთის იდვალუაფუ. ჯიჯაღი მიშაღალირი რე საქორთუოშ „ჭითა წინგშა“.[3]
სქოლიო
რედაქტირაფა- ↑ Crandall, L (1964). The management of wild animals in captivity. Chicago: University of Chicago Press.
- ↑ არჩილ ჯანაშვილი, ქორთული სხუნუეფიშ ენციკლოპედია, ტ. 11, ხს. 567, ქართი, 1987 წანა.
- ↑ 3.0 3.1 ვაშლოვანიშ სახენწჷფო ტყაჩირიშ დო ვაშლოვანიშ ერუანული პარკიშ მენეჯმენტიშ გეგმა