ლიმა
ლიმა (ესპ. Lima) — პერუშ ნანანოღა. პერუშ არძოშ უმოსი დიდი ნოღა მახორობათ, ეკონომიკური დო ფინანსური პოტენციალით. 2007 წანაშ მუნაჩემეფით ლიმას ოხორანს 7 605 742 მახორუ. მახორობათ ლიმა ლათინურ ამერიკას მახუთა რე მეხიკოშ, სან-პაულუშ, ბუენოს-აირესიშ დო რიო-დე-ჟანეიროშ უკული. ნოღა დარსხის ესპანარ კონკისტადორეფქ 1535 წანას. ესპანარ კონკისტადორ ფრანსისქო პისაროქ ნოღას ქიგიოდვუ სიუდად-დე-ლოს-რეიესი (მაფეფიშ ნოღა). ლიმას ფუნქციონირენს მოსოფელიშ ართ-ართი არძოშე უმოსი ჯვეში უნივერსიტეტი: სან-მარკოსიშ ნაციონალური უნივერსიტეტი, დორსხუაფილი 1551 წანაშ 12 მესის.
