ლიმა
ლიმა (ესპ. Lima) — პერუშ ნანანოღა. პერუშ არძოშ უმოსი დიდი ნოღა მახორობათ, ეკონომიკური დო ფინანსური პოტენციალით. 2007 წანაშ მუნაჩემეფით ლიმას ოხორანს 7 605 742 მახორუ. მახორობათ ლიმა ლათინურ ამერიკას მახუთა რე მეხიკოშ, სან-პაულუშ, ბუენოს-აირესიშ დო რიო-დე-ჟანეიროშ უკული. ნოღა დარსხის ესპანარ კონკისტადორეფქ 1535 წანას. ესპანარ კონკისტადორ ფრანსისქო პისაროქ ნოღას ქიგიოდვუ სიუდად-დე-ლოს-რეიესი (მაფეფიშ ნოღა). ლიმას ფუნქციონირენს მოსოფელიშ ართ-ართი არძოშე უმოსი ჯვეში უნივერსიტეტი: სან-მარკოსიშ ნაციონალური უნივერსიტეტი, დორსხუაფილი 1551 წანაშ 12 მესის.
![](http://upload.wikimedia.org/wikipedia/commons/thumb/8/80/Coat_of_arms_of_Lima.svg/220px-Coat_of_arms_of_Lima.svg.png)
![](http://upload.wikimedia.org/wikipedia/commons/thumb/e/e5/21_-_Lima_-_Ao%C3%BBt_2008.jpg/220px-21_-_Lima_-_Ao%C3%BBt_2008.jpg)