ლონდონი

ლონდონი (ინგლ. London) — დიდი ბრიტანეთიშ დო ოორუე ირლანდიაშ გოართოიანაფილი ომაფეშ ნანანოღა. იდვალუაფჷ წყარმალუ ტემზას, ობჟათე-ბჟაეიოლ ინგლისის. ნოღაშ მახორობა გვალო რე 7.385.575 ადამიერი, თაურეშე 2 700 000 ადამიერი დინოხოლე ლონდონს ოხორანს, აგლომერაციას — 10 645 800 (2005, 10 მანგი).

ლონდონი London ლონდონიშ პანორამა ლონდონიშ პანორამა შილა გერბი ქიანა  გოართოიანაფილი ომაფეგოართოიანაფილი ომაფე ქიანა ინგლისიინგლისი კოორდ. 51.5,0.11666751°30′00″ ოორ. გ. 0°07′00″ ელ. გ. ნოღაშ მერი სადიქ ხანი ორდოიანი ჯოხოეფი ლონდინიუმ, ლიუნდენბურგი ფართობი 1579 კმ² ოფიციალური ნინა ინგლისური მახორობა 8 278 251 კოჩი (2012) მეჭედალა 4 761 კოჩი/კმ² აგლომერაცია 13 709 000 ბორჯიშ ორტყაფუ UTC+1, ზარხულს UTC+2 ტელ. კოდი +44 20 ოფიციალური ვებ-ხასჷლა www.london.gov.uk ლონდონი

ლონდონი

ნოღაშ ისტორია იჭყაფჷ რომაალეფიშით ლონდონიუმიშ დორსხუაფათ. ლონდონიშ ისტორიული ცენტრი რე „სიტი“, მეხოლაფირო [XIX ოშწანურა]]შე ლონდონს ორხველჷ სიტი დო გოხოლუაშ აკანეფი. 1965 1 პირელს დირსხჷ „კაბეტ ლონდონქ“. ნოღაქ სუმშა უმენძელჷ ზარხულიშ ოლიმპიურ ლაჸაფეფს.

ლონდონი რე დიდი ბრიტანეთიშ ფინანსური ცენტრი დო მოსოფელიშ ფინანსურ ცენტრეფშე ართ-ართი. ლონდონს ართ-ართი მაჸონაფალი აბანი უკჷნებუ მოსოფელს მოდაშ ინდუსტრიას. ნოღას უღუ ართ-ართი არძაშე უკაბეტაში ოტრანსპორტე სისტემა. ჰითროუშ აეროპორტი ართ-ართი უკანეტაში რე მოსოფელს მოშარეეფიშ მუდანობათ. ლონდონს რე მოსოფელს არძაშე უმოსი - 480 შხვაშთური ბანკი.

ეტიმოლოგია

ლონდონიშ ზუსტი ეტიმოლოგია ვა რე ჩინებული. თენა უჯვეშაში ჯოხო რე დო ისტორიულ წყუეფს მა-2 ოშწანურაშე იშინუაფუ. 121 ლონდინიუმი ჯოხო, მუთ რომაულ-ბრიტანული აკნასვარა ოკო რდას. 1899 ლონდონი ხვალე ნოღას ჯოხოდჷ, უკული თე ჯოხოქ გიფაჩჷ ოგრაფეშე დო კაბეტ ლონდონშე.

ისტორიაშახიანი ანტიკური ბორჯი

ლონდონს უჯვეშაში ბრითონული ოხორუეფი რდჷ აკოშაყარელი, მარა მაართა შხუ ოხორე იშენ რომაალეფიშ დჷნარსხუეფი რე ჩქ.წ. 43. ხორუაქ იჸუ ხვალე 17 წანას განწეობას. 61 თაქ იცენეფქ გამშაცჷის დო ირფელი დიხაწკჷმა გამანგეს. ნოღაშ უკულიან ეკონწყუალაქ მოხვადჷ 100 წანას, მუჟამსჷთ კოლჩესტერქ ნოღა გეკჷდჷ დო მანწყჷ, მუჭოთ რომიშ ართ-ართ პროვინციაშ-ბრიტანიაშ ნანანოღა. ნოღაშ მახორობაქ მალას ქჷდიჭყჷ მოძინა დო მა-2 ოშწანურაშო 60,000 კოჩის მუკულუ.

შქა ოშწანურეფი

მა-5 ოშწანურას რომიშ იმპერიაშ დონთხაფაწკჷმა ართო ლონდონქ მალას გიჩოლჷ. მა-6 ოშწანურაშე ანგლო-საქსეფიშ ლუნდევიქიშ მახორობაქ 12,000-ს ქიმიოჭირინდუ. მა-9 ოშწანურას ნოღას ვიკინგეფი იკჷნენა დო კჷნ რომაულ მახორობაშ ფარგლეფშა ორთინუანა.

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.