ლუბლინიშ უნია
ლუბლინიშ უნია 1569 — აპიჯაფა პოლონეთი დო ლიეტუვაშ დიდი ოთარეშ ართი სახენწჷფოთ, რეჩ პოსპოლიტათ (Rzeczpospolita, ზიტყვა ზიტყვაშა — რესპუბლიკა), გოართოიანაფაშ გეშა. უნიაშ ოკითხუშ სხუნუაქ დიჭყჷ 1569 წანას ლუბლინს პოლონეთიშ დო ლიეტუვაშ ფეოდალეფიშ ოართე სეიმს. ხე მაჭარეს 28 მანგის, 1 კვირკვეს დანტკიცეს პოლონეთიშ დო ლიეტუვაშ სეიმიშ დეპუტატეფქ ზოხო-ზოხო. ლუბლინიშ უნიათ პოლონეთი დო ლიეტუვას ოკო ჸოფედუკო ართინერი სახენწჷფო წესდონწყილობა, ართოიანი ფარაშ სისტემა, ოართე სეიმი. სახენწჷფოშ ოდუდეს იჸუაფუდჷ მაფა, ნამუსჷთ ართპიჯო გეგშაგორუნდეს ჟირხოლო ქიანაშ ფეოდალეფი. ლუბლინიშ უნიაქ დადასურჷ ლიეტუვაშ დიდი ოთარეშ ტერიტორიაშ ნორთიშ პოლონეთიშ ომაფეწკჷმა აკოართაფა; ლივონია მირჩქინუაფუდჷ ოართე ღალათ, ართიანშქას იუქვებუდჷ ბაჟეფი; რეჩ პოსპოლიტა ართოიან სახენწჷფოთ გჷშემეშჷ ინტერნაციონალურ ასპარეზისჷთ. თეშ უმკუჯინუო, ლიეტუვაშ სახენწჷფობური ზოხოიანობა ედომუშამო ვადინუდჷ: ასქილიდაფირქ იჸუ გჷშაკერძაფილ კანონდვალაქ, სასამართლოქ, დორხველ უმაღალაში ადმინისტრაციული თანამდებობეფქ, ხაზინაქ, ჯარქ. XVII-XVIII ოშწანურას განწხანც სახენწჷფობურობაშ თე ელემენტეფი ჭიეჭიეთ იუქვებუდჷ, ოდო 1791 წანაშ 3 მესის კონსტიტუციაქ ფაქტობურო გაუქვჷ ლიეტუვაშ სახენწჷფობურობაშ ნოსქილედეფი.
რესურსეფი ინტერნეტის
რედაქტირაფა- Full text of the Union (Polish)
- Commonwealth of Diverse Cultures: Poland's Heritage Archived 2011-06-24 ვებ-ხასჷლას Wayback Machine.