ლულეელვენი
ლულეელვენი (შვედურო Luleälven) — შვედეთიშ ართ-ართი უთარაში წყარმალუ. ოდუდეს ეთმეჭოფუნს ოორუე შვედეთის დო მეურს ობჟათე-ბჟაეიოლშა, 460 კილომეტრიშ სიგინძას, სოდეთ ნოღა ლულეოწკჷმა აკათუ ბოტნიაშ ჸუჯის. ნორბოტენიშ რეგიონს სიგინძათ მაჟირა წყარმალუ რე კალიქსეელვენიშ უკული, მარა პირველი რე წყარიშ ოშქარი ხარჯით.
| ლულეელვენი | |
|---|---|
 | |
| დოხასიათაფა | |
| სიგირძა | 460 კმ |
| ღანჩოშ ფართობი | 25 240,5 კმ² |
| აკათუ | ბოტნიაშ ჸუჯი |
| ქიანეფი | შვედეთი |
ღანჩოშ ფართობი რე 25 240,5 კმ², სოჸურეშეთ 24 545,6 კმ² შვედეთიშ ტერიტორის რე, 694,9 კმ² — ნორვეგიაშ.[1][2]
წყარმალუ ჰიდროენერგიაშ შანულამი წყუ რე, თის ეგაფილი რე უშანულამაში ჰიდროელექტროსადგურეფი. ინტენსიურო გჷმირინუაფუდუ ჯა-ტყაშ ტრანსპორტირაფაშო, მარა თე პროცესიქ 1980-იანი წანეფიშ დაჭყაფუს მეჭყორდჷ.
XIX-XX ოშწანურეფიშ მალობას, წყარმალუს გინმიშ მათხილუ ღოზი დიო რუსეთიშ იმპერიაშე, უკული სხუნუეფიშ რსხუშე მუშაჭკირუეფშე ოთხილარო. დახე ედომუშამ სიგინძას ასქილადირი რე ფართო ოფორტიფიკაციე ნოგაფეფი, ნამუეფით, ბოდენიშ ჯიხასიმანგარათ ითებუ ნოღა ბოდენწკჷმა. თე სიმანგარეფიშ დო ბუნკერეფიშ უმეტაშობა ამდღა ვა გჷმირინუაფუ.
ქოძირით თაშნეშე
რედაქტირაფარესურსეფი ინტერნეტის
რედაქტირაფა- შვედეთიშ წყარმალუეფი სიგინძაშ მეჯინათ (შვედურო)
- http://www.secretcreeks.com/river_facts.htm?f Archived 2007-03-11 ვებ-ხასჷლას Wayback Machine. (შვედურო)
- [https://web.archive.org/web/20070311012724/http://www.secretcreeks.com/river_facts.htm?f Archived 2007-03-11 ვებ-ხასჷლას Wayback Machine. შვედეთიშ წყარმალუეფი ღანჩოშ ფართობიშ მეჯინათ]] (შვედურო)
სქოლიო
რედაქტირაფა- ↑ "Luleälven" (in Swedish). Nationalencyklopedin. http://www.ne.se/luleälvenაკითხულია: 14 July 2010.
- ↑ Län och huvudavrinningsområden i Sverige (Swedish). SMHI. კითხირიშ თარიღი: 14 July 2010.