ლუსაკა (ინგლ. Lusaka) — ზამბიაშ ნანანოღა, თიში პოლიტიკური, ინდუსტრიალური დო კულტურული ცენტრი. იდვალუაფუ ქიანაშ ცენტრალურ ნორთის, კირქუამ პლატოს, ზუღაშ დონეშე 1279 მ სიმაღალეს. ლუსაკა შანულამი ოტრანსპორტე ნოსქვი რე, საირქიანო შანულობაშ აეროპორტით დო დიდი ოფუტე-ომეურნე რაიონიშ ოვაჭარე გჷნმართალი ცენტრი რე. 2010 წანაშ ეჭარუაშ მუნაჩემეფით, ნოღას ოხორანდჷ 1 742 979 ადამიერი. ოორუეშე, ობჟათეშე, ბჟადალშე დო ბჟაეიოლშე იჭყაფუ ზამბიაშ ოთხი თარი მაგისტრალი. რაგადანა 3 თარ ნინაშა: ინგლისურ, ნიანჯა დო ბემბიშ ნინეფშა. ოფიციალური ნინა რე ინგლისური. ლუსაკა წჷმარინუანს ობჟათე აფრიკაშ რეგიონიშ ართ-ართ არძაშე დინამიურო გოვითარაფონ ნოღას. ნოღაქ დირსხუ რკინაშშარაშ დგჷმილიშ აბანს, ნამუთ 1910 წანაშ აკიგჷ.