ლჷმა
ლჷმა — სახენწჷფოეფს შქას რსებული კონფრონტაციაშ გჷნოჭყვიდირი ოურდუმე ნძალებაშ რზათ. ლჷმაშ წარმებას უთარაშ როლს არსულენა სახენწჷფოშ აკოანჯარაფილი ნძალეფი დო გოურდუმაფილი ფორმირაფეფი, ნამუშ პარალელურო მალიმორი განეფი აწარმენა დიპლომატიურ, იდეოლოგიურ დო ეკონომიკურ ბურჯაფეფს აკორინაფილ განეფწკჷმა. ლჷმაშ წარმებაშ ბაძაძო შილებე გჷნირთას უგნუჭკირუ ოკითხეეფქ ეკონომიკურ, იდეოლოგიურ, ტერიტორიულ, რელიგიურ დო შხვა სფეროეფს. ლჷმა – თენა რე პოლიტიკაშ გოგჷნძარაფა. მუში მასშტაბეფით ლჷმა შილებე ლოკალური, რეგიონული, მოსოფელიშ. საირქიანო კანონეფიშ მეჯინათ ლჷმაშ წჷმოჭყაფა უგმუცხადაფუო, დჷნოშურო იკოროცხუ. აკოანჯარაფილი კონფლიქტიშე გინორთათ, ლჷმაშ მასშტაბეფი უმოსი დიდი რე, მუჭოთ გეოგრაფიული თოლწორუათ, თეშ ხანგჷრძალაშე გიშნაველი. თეშ უმკუჯინალო, პრაქტიკას ვაარსებენს ზუსტი კლასიფიკაცია თიშ, თუ მუთ რე გინორთელი ლჷმა აკოანჯარაფილ ლჷმაშე. ლჷმა შილებე ორდას კუნტახანიშ (მუსხირენ დღამი) დო ხანგჷნძე (მუსხირენ ვითობათ წანაშა).
ლიტერატურა
რედაქტირაფა- Barzilai Gad, Wars, Internal Conflicts and Political Order: A Jewish Democracy in the Middle East (Albany: State University of New York Press, 1996).
- Clausewitz, Carl Von (1976), On War (Princeton and New Jersey: Princeton University Press)
- Fry, Douglas P., 2005, The Human Potential for Peace: An Anthropological Challenge to Assumptions about War and Violence, Oxford University Press.
- Gat, Azar 2006 War in Human Civilization, Oxford University Press.
