მანე სიგბანი
კარლ მანე გეორგ სიგბანი (შვედ. Karl Manne Georg Siegbahn; დ. 3 ქირსეთუთა, 1886, ერებრუ, შვედეთი — ღ. 26 ეკენია, 1978, სტოკჰოლმი, შვედეთი) — შვედი ფიზიკოსი, რენტგენული სპექტროსკოპიაშ მენცარული რკვიებაშ გეშა გინოჩეს ნობელიშ პრემია ფიზიკაშ დარგის 1924 წანას.
| მანე სიგბანი | |
| შვედ. Manne Siegbahn | |
 მანე სიგბანი 1924 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ეკენია 26, 1978 (91 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
ლუნდიშ უნივერსიტეტი |
| ალმა-მატერი: | |
| ჯილდოეფი დო პრემიეფი: |
ნობელიშ პრემია ფიზიკას (1924) |
ბიოგრაფია
რედაქტირაფამანე სიგბანიქ დებადჷ 1886 წანაშ 3 ქირსეთუთას, შვედეთიშ ნოღა ორებრუს. გურაფულენდჷ ლუნდიშ უნივერსიტეტის, სოდეთ რდჷ შვედი ფიზიკოსიშ იოჰანეს რობერტ რიდბერგიშ ასისტენტი. 1908 წანას სიგბანიქ გურაფა გეტინგენიშ უნივერსიტეტის გაგინძორჷ. მალას შვედეთიშა დირთჷ დო ლუნდიშ უნივერსიტეტის თხილუ ოდოქტორე დისერტაცია 1911 წანას. გურაფაშ თებაშ უკულ მუშობა დიჭყჷ ლუნდიშ უნივერსიტეტის, ფიზიკაშ პროფესორო. 1922 წანას ლუნდი ქიდიტუ დო გეგნორთჷ უფსალაშ უნივერსიტეტიშა. 1937 წანაშე მანე სიგბანი რდჷ შვედეთიშ მენცარობეფიშ აკადემიაშ ნობელიშ ინსტიტუტიშ ფიზიკაშ დეპარტამენტიშ (ასეიან სიგბანიშ ინსტიტუტი) დირექტორი. მანე სიგბანი რდჷ შხვადოშხვა პრემიეფიშ დო ჯილდოეფიშ ლაურეატი. 1924 წანას მიპალუ ნობელიშ პრემია, 1934 ჰიუზიშ მენდალი, 1940 წანას რუმფორდიშ მენდალი. 1954 წანაშე სიგბანი რდჷ ომაფე საზოგადოებაშ მაკათური. მანე სიგბანიშ ოსური რდჷ კარინ ჰოგბონი. ჸუნდეს ჟირი სქუა: ბო სიგბანი (1915–2008), დიპლომატი, პოლიტიკოსი დო კაი სიგბანი (1918–2007), ფიზიკოსი, ნობელიშ პრემიაშ ლაურეატი ფიზიკას, 1981 წანას.