მარწკინდეფიშ მაზოჯალი: მარწკინდიშ ოჯიმალე
„მარწკინდეფიშ მაზოჯალი: ორწკინდიშ ოჯიმალე“ (ინგლ. The Lord of the Rings: The Fellowship of the Ring) — 2001 წანაშ ფენტეზიშ ჟანრიშ ფილმი, გინოღალირი რეჟისორ პიტერ ჯექსონიშე. ათე ფილმი ერსხუაფუ ჯ.რ.რ. ტოლკინიშ რომანს „მარწკინდიშ მაზოჯალი“, კერზოთ — თიში მაართა ნორთის „მარწკინდიშ ოჯიმალეს“.
| მარწკინდეფიშ მაზოჯალი: ორწკინდიშ ოჯიმალე | |
 | |
| რეჟისორი: | |
|---|---|
| დუმადგჷმალი რეჟისორი: |
ფრენ უოლში, ფილიპა ბოიენსი, პიტერ ჯექსონი |
| პროდიუსერი: |
პიტერ ჯექსონი |
| სცენარიშ ავტორი: |
ფრენ უოლში |
| ნახანდი: | |
| თარ როლეფს: | |
| კომპოზიტორი: | |
| ხანტუ: | |
| კინოსტუდია: | |
| გჷშულაშ თარიღი: | |
| ხანგჷნძარალა: |
178 წნ |
| ქიანა | |
| ნინა: | |
| მუშნალი: |
$ 871,530,324 მლნ |
| გეჸვენჯი: | |
ფილმიქ გიშართჷ 2001 წანაშ 19 ქირსეთუთას დო დიდი წუმოძინა უღუდჷ. DVD/Blu-Ray ფორმატის გიშართჷ მუჭოთ კინოთეატრეფს ნაძირეფი, ხოლო ფიჩორი, 208 წუნამი ვერსიაქ, ნამუსჷთ გეძინელქ იჸუ ფილმიშე ეშაჭკირილი სცენეფქ.
სიუჟეტი
რედაქტირაფამაჟირა ეპოქას წკურუმია მაზოჯალი საურონი ოცადუ შქასქირიშ ხემანჭუობაშ მარწკინდიშ ძალათ დამორჩილებას. ელფეფიშ დო ადამიერეფიშ ლჷმას მაფასქირი ისილდური თისი ხეშე მარწკინდის მეკვათუნს, მუთით მერეხანს თიში ფიზიკურ ფორმას დო იმორძგუანს თიში ჯარს. მორო, საურონიშ „რინაშ ნძალეფი“ კინი მარწკინდიშა რე მერცხუაფილი დო სოიშა მარწკინდი რენი, საურონით რე. ისილდური, ნამუქჷთ მარწკინდიქ შური მოუნთხორჷ, ვარიას იჩიებუ თიში მერეხუაშენ. თიში უკული, მუთი თისი ჸვილუნან ორკეფი, მარწკინდი 2500 წანათ წყარმალუს დინუ. თისი მიოგორანსჷ გოლუმი, ნამჷთ ოშწანურეფიშ გოძვენას ორხველუ, სოიშა მარწკინდის ვემიოგორანს ჰობიტი ბილბო ბეგინსი.
60 წანაში უკული ბილბო მარწკინდის უტენს ჯიმასქუას, ფროდო ბეგინსის. შეტყვენს, ნამდა მარწკინდი საურონს ორხველუ, ჯადოსანი განდალფ სქიბუშფერი ფროდოს ართხილენს, ნამდა საურონიშ ნძალეფი თისი გორნა. განდალფი ჭოფუნს სემუაიზ გემჯის, ფროდოშ მებაღუეს, ნამუქჷთ თინეფიშ ჩიებას ოსინთეწკჷმა ირჩქილუანს დო ფროდოწკჷმა ართო შაირიშე ოჯღონანს. მუ იზენგარდიშა მეურს, თიშენ ნამდა შეხვადას მუში ორდენიშ მაჯღვერს, სარუმან ჩეს. თიშე განდალფი გეგენს, ნამდა საურონქ ნაზგულეფი მარწკინდიშ ოგორუშა გუტუ. სარუმანი იჸი საურონიშ მოინალე. თინა განდალფის ჭოფუნს დო ყორშიშ წვანდის იტენს. საურონიშ ორკეფს თინა უზოჯუნს, ოლიმარი ანჯარიშ ღოლამას დო დარსხუანი ორკ მალჷმორეფიში ახალი ბუნაა, ურუკ-ჰაეფი.
არტისტეფი
რედაქტირაფა- ელაიჯა ვუდი - ფროდო ბეგინსი
- შონ ოსტინი - სემ გემჯი
- ვიგო მორტენსენი - არაგორნი
- იენ მაკ-კელენი - სქიბუშფერი განდალფი:
- დომინიკ მონაგჰენი - მერიადოკ ბრენდიბაკი
- ბილი ბოიდი - პერეგრინ ტუკი
- შონ ბინი - ბორომირი
- ორლანდო ბლუმი - ლეგოლასი
- ჯონ რის-დეივისი - გიმლი
- კრისტოფერ ლი - სარუმანი
- სალა ბეიკერი - საურონი
- ჰუგო უივინგი - ელრონდი
- კეიტ ბლანჩეტი - გალადრიელი
- ლივ ტაილერი - არვენი
- იან ჰოლმი - ბილბო ბეგინსი
გინორთი წინგიშე
რედაქტირაფაჯექსონქ, უოლშიქ დო ბოიენსიქ მიარეშა თირეს სცენარი, თიშენ ნამდა თინა უმოსო კომპაქტური რდუკო დო პერსონაჟეფით ხოწილი სახეთ ქოჸოფედესკო წუმოორინელინ. ჯექსონქ ოშინუ, ნამდა თიში თარი ზალამი რდჷ კათა გუჯინუკონ ფროდოს დო მარკინდის. ფილმის ნაძირეფუ რე წოხოლენისტორია, ნამუსჷთ ნაძირეფუ რე მარწკინდიშ კუნტა ისტორია დო მუჭო მოხვადუ თიქი ბილბოწკჷმა.
