მაჯერღვაია

მაჯერღვაია, თაშნეშე მაჯერღვია, მაჯარღვია, მაჯარღვალაია, ჯარღვალია (ლათ. Plantago) — ჩანარეფიშ გვარი მაჯარღვიაშობურეფიშ ფანიაშე. ართწანიანი ვარ-და მიარეწანიანი ოდიარეეფი, კანკალეშა ბართვოდიარეეფი.

გვარი იკათუანს 250-შახ გვარობას, ნამუთ გოფაჩილი რე დიხაუჩაშ ზჷმიერ ორტყაფუს. საქორთუოს 11 გვარობა რე. მაჯერღვაია გვალაშ გიმენი ორტაფუშე დოჭყაფილი ალპურ ორტყაფუშახ სქირე დო ოდიარამი კართეეფს, რზაპიჯეფს დო მოჩაჩანელ აბანეფს, დოლოეფს დო ქვეშხონეფს ჩანს. ლათ. Plantago major, Plantago media დო Plantago lanceolata ფართოთ მოდვალირი გვარობეფი რე.

მაჯერღვაიაშ თასი იკათუანს ცქირცქის დო გლიკოზიდ აუკუბინს, ფურცელი — კაროტინს, ვიტამინს დო ფიტონციდეფს. ფურცელს გჷმირინუანა ნაკვათაშ, ნაჭკირაშ, ნაჭყოლაშ დო ჭყოლიშ დაშუშებელო, დჷნადგინას — ეკახვალარი მეშქაშალათ, წვენს — გასტრიტიშ დო ენტერიტიშ ოსქილადარო.

ლიტერატურა

• ქორთული სხუნუეფიშ ენციკლოპედია, ტ. 7, ხს. 164-165, ქართი, 1984 წანა.