თარ მენიუშა მიშულა

მერიდიანი (ლათ. meridies) — დიხაუჩაშ პოლუსეფიშ მიორსხუალი ქართეფი რე. მერიდიანიშ ართგრადუსიანი არყაშ სიგირძა ოშქაშეთ 111,1 კმ რე, ოშქაშე სიგირძა 40 009 კმ რე. მერიდიანეფიშ გრადუსეფიშ კოროცხუა იჭყაფჷ გრინვიჩიშ მერიდიანიშე. გეომაგნიტური ვეშ ნძალღოზიშ პროექცია დიხაუჩაშ ჟინპიჯის. მაგნიტური მერიდიანეფი იშაყარუ დიხაუჩაშ ოორუე დო ობჟათე მაგნიტურ პოლუსეფს. მაგნიტურ მერიდიანს მიკმალ ვერტიკალურ ლაბარტყიას მაგნიტური მერიდიანიშ ბირტყა ჯოხო. დიხაუჩაშ ჟინპიჯიშ ათე დიხას მაგნიტური მერიდიანიშ ლაბარტყია ვემანგებჷ გეოგრაფიული მერიდიანიშ ბირტყას. კუნთხუს თინეფ შქას მაგნიტური გინოკინა ჯოხო. ათე კუნთხუ ითირუ აკანიშ დო ბორჯიშ მეჯინათ. გინორთი უღუ ხოლო გეომაგნიტურ მერიდიანს — მეჩამილ დიხას დო ოორუე დო ობჟათე გეომაგნიტური პოლუსეფიშ მიორცხუაფალ ქართეფს გიმაულარი ბირტყაშ დიხაუჩაშ ჟინპიჯიშ გინოკვათუაშ ღოზის. გეომაგნიტური მერიდიანეფი დიდი ქართეფიშ არყეფს მეურე. მაგნიტური მერიდიანეფიშე გინორთი უღუ, ნამუეფით დიხაუჩაშ რეალური მაგნიტური ვე რე, გეომაგნიტური მერიდიანეფი ოძირანს თიშ მაართა მეთინუას — ართნერი დომაგნიტებური დიხაუჩაშ სფეროშ ვეს.

რესურსეფი ინტერნეტისრედაქტირაფა