მიგრაცია

მიგრაცია (ლათ. Migratio — გინოხორინი) — ადამიერიშ გინოყარაფა ქიანაშ დინოხოლე ვარ-და თიშ ხურგეფს გალე; ვარ-და გინოხორინი შხვადოშხვა ხანით (მუსხირენ სათიშე თელარაშ დალიაშა), ნამუთ სტატისტიკურო ეიჭარუაფუ ხურგეფიშ (თარო ნოღაშ, ქიანაშ დო შხვა ადმინისტრაციული ხურგეფიშ) გინოკვათუას გჷმიხანტუაფუ. გიშმართჷნა:

იროიან მიგრაციას, ნამუთ მერსხილი რე ოხორუე აბანიშ საირონოთ თირუაწკჷმა.
ობორჯე მიგრაციას, სოდე გინოხორინი მუთმოხვადუ ძალამ ხანგჷნძე ბორჯით.
სეზონურ, კვეწელიაშობურ, დინოხოლენ, გალენურ, აძვილებურ დო შხვა სახეშ მიგრაციეფს.

მახორობაშ მასობურ გინოყარაფა სახენწჷფოეფს შქას ოგჷნაფეთ თირანს გოხორუაშ ართამ სურათის დო ზოხოიან ქიანეფიშ მახორობაშ დემოგრაფიულ, სოციალურ დო რასობურ-ეთნიკურ სტრუქტურას. მიგრაციაშ გჷმმაჭანაფალი ბაძაძეფი შილებე რდას მუჭოთ პოლიტიკური (თინეფს შქას, ეთნიკური წიმინდუა ვარ-და გენოციდი), თეშ ეკონომიკური (მატერიალური პირობეფიშ გოუჯგუშაფა), რელიგიური, სოციალ-კულტურული, ორთაშობურ-ეკოლოგიური დო შხვა.

მიგრაცია თაშნეშე ჯოხო ჩხოლარეფიშ გინოყარაფას რინაშ პიჯალეფიშ თირუაშ ვარ-და გოვითარაფაშ ციკლიშ მუკულაშ გეშა.

კაპიტალიშ მიგრაცია ჯოხო კაპიტალიშ გინულას ართი ქიანაშე მაჟირაშა ვარ-და ეკონომიკაშ ართი დარგიშე მაჟირაშა, უმოსი კაბეტი მოგებაშ ღანკით.

მიგრაციაშ სალდო

მიგრაციაშ სალდო ჯოხო სახენწჷფოშე გინულირი დო მინულირი ადამიერეფიშ მემანგაფას. სალდო შანენს ნარკიშ მაძირაფუს. ქიანაშე გინულირი ადამიერეფიშ რიცხუ უმოს ქორე ქიანაშა მინულირეფიშ რიცხუშე-და, მიგრაციაშ სალდო გლახა რე, დო მინულირი ადამიერეფიშ რიცხუ უმოს ქო რე გინულირეფიშ მუდანობაშე-და, სალდო ჯგირი რე.

ლიტერატურა

ზურაბიშვილი, დ., გობრონიძე გ., სამოქალაქო განათლების ლექსიკონი, საიას იურიდ. განათლ. ხელშეწყობის ფონდი, თბ., 2011. ISBN 978-9941-0-3354-4.

რესურსეფი ინტერნეტის

ოერეფოშქაშე მიგრაციეფი
მიგრაციაშ სტატისტიკა ქიანეფიშ მეჯინათ Archived 2015-09-05 ვებ-ხასჷლას Wayback Machine.