მიკოლაივი (უკრ. Миколаїв) — ართ-ართი თარი ნოღა ობჟათე უკრაინას.
ნოღა იდვალუაფუ ობჟათე ბუგიშ დო ინგულიშ აკართაფუს, წყარმალუ ინგულიშ ლიმანიშ წყარპიჯის. მიკოლაივიშ ოლქიშ დო მიკოლაივიშ რაიონიშ ადმინისტრაციული ცენტრი. ნოღაშ ორენქ გოპიჯჷ თიში ინფრასტრუქტურა დო გოვითარაფაშ მალობა. რუსეთიშ იმპერიას მიკოლაივი რდჷ მაართა აბანი უჩა ზუღას, სოდე გიჭყჷ ნიშაკოგაფაშ ოსხირქ. სხუნუეფიშ რსხუშ ბორჯის მიკოლაივი კილერი ნოღა რდჷ, თიშ გეშა, ნამჷ-და მიკოლაივს იდვალუდჷ უკაბეტაში დო უჭყანიარაში ფულირი სტრატეგიული ოწარმეეფი (თინეფი ასეთ რე დო ქისქილიდეს მუნეფიშ ინფრასტრუქტურა მორო მიოდინეს ჯოხვინეფი), თინეფს შქას რე: 61 კომუნარიშ ჯოხოდვალაშ ნიშაკმაგაფალი სახენწჷფო ქარხანა (1788) (თაქ რე აკოგაფილი რუსეთიშ უჩა ზუღაშ ფლოტიშ ბოლო ფლაგმანი ორაკეტე კრეისერი „მოსკვა“ ), უჩა ზუღაშ გემაკაგაფალი ქარხანა (1897) ართ-ართი უკაბეტაში ქარხანა ევროპას (თაქ აკმაგანდეს სხუნუეფიშ ავიამაღელეფს), ნიშაკმაგაფალი ქარხანა ოკიანე (1951), ზორია — მაშპროექტი ობჟათე ტურბინამაგაფალი ქარხანა, ართ-ართი უჭყანაში დო წჷმოძინელი ტექნოლოგიეფით. ალუმინიშ მასალაშ გინმამუშებელი ქარხანა. ნოღას 4 ონიშლი რე: ოწყარმალონე ონიშლი, მიკოლაივიშ ოზუღე ოვაჭარე ონიშლი, ონიშოლი „ოკტიაბრსკოე“ (თაშ ჯოხოდვალირი ოურდუმე ონიშოლი) დო ონიშოლი „ნიკა ტერა“ აკა კერზო ონიშლი უკრაინას. თაქ გოვითარაფილი რე მონკა დო ქექე, ოჭკომალიშ ხერეჭუა, თაშნეშე ჭყანიერო რე გოვიტარაფილი ოფუტეშ მეურნობა (ოლქის), კულტურა, რსებენს მუსხირენი უნივერსიტეტი დო მიარე უმაღალაში ოგურაფუეფი. მიკოლაივშე რენა გეჸვენჯი ჩინებული ადამიერეფი: იგორ კრუტოი, ალექსანდრე სეროვი. მიკოლაივიშ ნიშაკოგაფაშ ინსტიტუტი გათუეს ვალერი დო კონსტანტინე მელაძეეფქ.
ნოღაშ პატიოცემელო ასტეროიდის გიოდვეს თიშ ჯოხო, ნამუქჷთ მეგორაფილქ იჸუ ყირიმიშ ასტროფიზიკური ობსერვატორიაშით.
ნოღა
 ნოღა მიკოლაივიშ სხუნუშ დგჷმილინოღა მიკოლაივიშ სხუნუშ დგჷმილი
|
| შილა
|
გერბი
|
|
|
|
_location_map.svg)
