მიხაელ ჰანეკე
მიხაელ ჰანეკე (გერმ. Michael Haneke დ. 23 მელახი, 1942, მიუნხენი, ბავარია, გერმანია) — სკანდალური ავსტრიალი კინორეჟისორი დო ჭარუ, ჩინებული თიში პიპა, მორო გაზარზალაფალი სტილით. თიში ფილმეფი შხირას ოძრანს ასეიანი ჯარალუაშ პრობლემეფს დო კილუანობას. ჰანეკეს უმუშებჷ მუჭთ ტელევიზიას, თეში თეატრის დო კინოს. თიში ნახანდეფს წჷმოკინელი რე კონწარი სოციალური ოკითხეფი.
| მიხაელ ჰანეკე | |
 | |
| მოღალობა |
რეჟისორი, სცენარისტი |
|---|---|
|
ბიოგრაფიული ჩინებეფი
| |
| დაბადებაშ თარიღი | |
| დაბადებაშ აბანი | |
| მენოღალობა |
1974-ამდღარშა |
| ჯილდოეფი: |
ორქოშ პალმაშ ჸა, კანიშ კინოფესტივალიშ ჯილდო საუჯგუშო რეჟისორი, სეზარი |
ბიოგრაფია
რედაქტირაფაარტისტიშ დო რეჟისორიშ ფრიც ჰანეკეშ დო კინოარტისტი ბეატრის ფონ დეგენშილდიშ ბოში - ჰანეკექ ნოღა ვინერ-ნოიშტადტის ნირდჷ. გურაფლენდჷ ფილოსოფიას დო ფსიქოლოგიას ვენაშ უნივერსიტეტის არტისტალას დო მუსიკას დუდშეიანი უწჷმოძინე ცადებაშ უკული. გურაფაშ თებაშ უკული ფილმიშ კრიტიკოსო გინირთჷ დო 1967-1970 წანეფს მუშენს ედიტორო დო დრამატურგო ობჟათე გერმანიაშ ოტელევიზიე გიორინალს ზიუდვესტფუნკის. მუჭოთ დრამატურგი, თიში რე შტრინდბერგიშ, გოეთეშ, ბრიუკნერიშ დო ჰაინრიხ ფონ კლაისტიშ სცენოგრაფია გერმანულო ბერლინს, მიუნხენს დო ვენას. თიში, მუჭთ ოტელევიზიე რეჟისორიშ დებიუტიქ 1973 წანას იჸუ.
თიში კინო-დებიუტიქ იჸუ 1989 წანას ფილმით „მაშქვითა კონტინენტი“. სუმი წანაშ უკული სკანდალური კუნტამეტრაჟიანი ფილმით „ბენი“ ჰანეკე პრესას ეტახილი ოროპიაშ სამანჯელი რე. მორო ჰანეკეშ უდიდაში წჷმოძინა თიში 2001 წანაშ ფილმიქ „პიანინოშ მაგურაფალქ“ მოუღჷ. ათე ფილმიქ კანიშ ფესტივალიშ პრესტიჟული ჯილდო „გრან-პრი“ მოუღჷ. საუჯგუშო არტისტი ქომოლკოჩიშ დო ოსურიშ ჯილდოეფი მეჩეს ბენუა მაგიმელს დო იზაბელ იუპერს. თის ჟირშა აჸუ ომუშებელქ ჟულიეტ ბინოშწკჷმა, თინეფ შქას 2005 წანაშ ფილმის „ფორილი“.
ფილმოგრაფია
რედაქტირაფა- 2012 Amour - ჸოროფა
- 2009 Das weiße Band - ჩე გიოსქუაფალი
- 2007 Funny Games - ოხარხაშაია ლაჸაფეფი (ამერიკული გინომუშებული ვერსია)
- 2005 Caché - ფორილი
- 2003 Le Temps du Loup - გერიშ ბორჯი
- 2001 La Pianiste - პიანინოშ მაგურაფალი
- 2000 Code Inconnu: Recit Incomplet De Divers Voyages - ეუნწყუმუ კოდი
- 1997 Das Schloß - ჯიხა
- 1997 Funny Games - ოხარხაშაია ლაჸაფეფი
- 1995 Der Kopf des Mohren - მურიშ დუდი
- 1994 71 Fragmente einer Chronologie des Zufalls - შანსიშ ქრონოლოგიაშ 71 ფრაგმენტი
- 1992 Benny's Video - ბენიშ ვიდეო
- 1989 Der 7. Kontinent - მაშქვითა კონტინენტი.