მონროვია (ინგლ. Monrovia) — ლიბერიაშ ნანანოღა, მონტსერადოშ საგრაფოშ ადმინისტრაციული ცენტრი. აკოგაფილი რე ატლანტიშ ოკიანეშ წყარპიჯის, წყარმალუეფი სენტ-პოლიშ დო მესურადოშ ნადუწკჷმა. გიშმერთუ დიდი მონროვიაშ რაიონი, სოდე 2008 წანაშ ეჭარუაშ მუნაჩემეფით, ოხორანდჷ 970,824 ადამიერი,[1] ომანგეთ, თიშა მოურს ქიანაშ მახორობაშ 29%. მონროვია ლიბერიაშ არძაშე მეჭედელო დოხორელი ნოღა რე.[2] ქიანაშ თარი კულტურული, პოლიტიკური დო ფინანსური ცენტრი, თაშნეშე თარი ოვაჭარე ცენტრი დო დიდი ნიშორინი. თე ეკონიაქ გიშაკერძაფილო გიძინჷ მაჟირა მოსოფელიშ ლჷმაშ (1939-1945) ბორჯის ამერიკალეფიშით. ნიშორინი გჷმირინუაფუ ნიშეფიშ ოდგჷნალო დო თინეფიშ გაჯინალ-ოკეთებელო. ექსპორტშა უმენტაშო გინმუღჷა ბჟაწვენი დო რკინაშ მადენი. თე აბანს იზადუ ცემენტი, ანგურა, შხვადოშხვა ქიმიური ნიბთიარობეფი, ოჭკომალი პროდუქტები დო შხვა.
მონროვია
Monrovia
|
