მონტე-ალბანი

მონტე-ალბანი იუნესკოშ მოსოფელიშ მონძალაშ ობიექტი
ქიანა	მექსიკა
ტიპი	კულტურული
კრიტერიუმეფი	i, ii, iii, iv
რეგიონი	ლათინური ამერიკა დო კარიბეფი

მონტე-ალბანი (ესპ. Monte Albán) — შხუ კოლუმბიშახიანი დოხორალა ობჟათე-ბჟაეიოლ მექსიკას, ოახაკაშ შტატის. იდვალუაფუ დაბალ გვალამ ქჷნდჷრს, ოხაკაშ ლეხერიშ ცენტრალურ ნორთის. შტატიშ ნანანოღა ოახაკა-დე-ხუარესიშე ბჟადალშე 9 კილომეტრის.

ომენოღალე-ოცერემონიე ცენტრი მონტე-ალბანი იდვალუაფუ ხელობურო მობონდორაფილ სუკის, ზუღაშ დონეშე 1940 მეტრას.

მონტე-ალბანი წჷმარინუანს არძაშე პირველ ნოღას მეზოამერიკას, ნამუთ დახე ვითოში წანაშ მალობას ლაჸაფენდჷ თარ როლს საპოტეკეფიშ ცივილიზაციაშ სოციალურ, პოლიტიკურ დო ეკონომიკურ სფეროეფს. მონტე-ალბანქ დირსხუ შქა კლასიკურშახიან პერიოდის დოხოლაფირო ჯვ.წ. 500 წანას, ჯვ.წ. 100 – ახ. წ. 200 წანეფს თინა უკვე ოახაკაშ გვალონას დვალირ სახენწჷფოშ ნანანოღა რე. ნოღაქ მუში პოლიტიკური შანულობა ოდინუ კლასიკური პერიოდიშ დალიერს (დოხოლაფირო 500-750 წანეფს) დო პრაქტიკულო იჸუ მეტებულქ.

1978 წანას მიშეღეს იუნესკოშ მოსოფელიშ მონძალაშ ობიექტეფიშ ერკებულშა.

ქოძირით თაშნეშე

• იუნესკოშ მოსოფელიშ მონძალაშ ობიექტეფი მექსიკას
• მოსოფელიშ მონძალაშ ობიექტეფიშ ერკებული ამერიკას

რესურსეფი ინტერნეტის

• Minnesota State University website Archived 2006-02-19 ვებ-ხასჷლას Wayback Machine.
• Virtual Monte Albán (ესპანური)
• Monte Albán Digital Media Archive Archived 2009-09-05 ვებ-ხასჷლას Wayback Machine.
• Mexican and Central American Archaeological Projects
• Metropolitan Museum of Art (NY) website